കോഴിക്കോട്: കലകളില് നിറയേണ്ടത് സ്നേഹമാണെന്ന് ആര്ട്ടിസ്റ്റ് മദനന് പറഞ്ഞു. ലളിതകലാ അക്കാദമി ആര്ട്ട് ഗ്യാലറിയില് ടെര്ബുലന്റ് ലെന്സ് എന്ന പേരില് നടക്കുന്ന ഫോട്ടോ പ്രദര്ശനത്തിന്റെ ഭാഗമായി സമകാലിക ചിത്രം വര വാക്ക് എന്ന വിഷയത്തില് നടന്ന സംവാദത്തില് സംസാരിക്കുകയായിരുന്നു അദ്ദേഹം. സ്നേഹത്തിന്റെ കുറവാണ് പുതിയ തലമുറയിലെ കലാകാരന്മാര്ക്കുള്ളത്. എല്ലാ കലകളെയും സ്നേഹിക്കാന് കഴിയണം. ഒരു കലാകാരന് നല്ല മനുഷ്യന്കൂടിയായിരിക്കണം. ഔദ്യോഗികമായി ഒരു സ്ഥാപനത്തിലും ചിത്രം വര പഠിക്കാതെയാണ് താന് ചിത്രരചനാ മേഖലയിലെത്തിയത്. വരയിലും സംഗീതത്തിലും മുമ്പേ കടന്നുപോയ പ്രതിഭകളെ തിരിച്ചറിയാനും ആദരിക്കാനും കഴിഞ്ഞു. പുതിയ തലമുറയില് ക്ഷമ കുറഞ്ഞുവരികയാണ്. എല്ലാം ആഘോഷമാക്കാനാണ് അവര്ക്ക് താല്പ്പര്യം. നല്ല സൃഷ്ടികളെ ലോകം അംഗീകരിക്കും. അദ്ദേഹം പറഞ്ഞു. പി. മുസ്തഫ, ഷാഹിന കെ റഫീഖ്, ഫ്രാന്സിസ് കോടങ്കണ്ടത്ത്, വിനോദ് കോവൂര്, ജീവന് ജോസ്, കമാല് വരദൂര് തുടങ്ങിയവര് സംസാരിച്ചു.
അഞ്ജന ശശി മോഡറേറ്ററായി. റസ്സല് ഷാഹുല് സ്വാഗതവും ടി. ഡി. ദിലീപ് നന്ദിയും പറഞ്ഞു. ഇന്ന് രാവിലെ 11.30ന് വിദ്യാര്ത്ഥികള്ക്കായി ഓണ് ദ സ്പോട്ട് ഫോട്ടോഗ്രാഫി മത്സരം നടക്കും.
പ്രതികരിക്കാൻ ഇവിടെ എഴുതുക: