വാരണാസി: ഉത്തര്പ്രദേശിലെ വാരണാസിയില് ക്ഷേത്രത്തിലുണ്ടായ തിക്കിലും തിരക്കിലുംപെട്ട് 19 പേര് മരിച്ചു. നിരവധി പേര്ക്ക് പരിക്കേറ്റു. രാജ്ഘട്ട് പാലത്തിനടുത്താണ് സംഭവം. മരിച്ചവരില് 15 സ്ത്രീകളും 4 പുരുഷന്മാരും ഉള്പ്പെടുന്നു. പരിക്കേറ്റവരെ വാരണാസിയിലെ വിവിധ ആശുപത്രികളില് പ്രവേശിപ്പിച്ചു. ഇവരില് പലരുടെയും നില ഗുരുതരമാണ്. മരണസംഖ്യ ഇനിയും ഉയരാന് സാധ്യതയുണ്ടെന്ന് അധികൃതര് അറിയിച്ചു.
പോലീസും ഫയര് ഫോഴ്സും സ്ഥലത്തെത്തി രക്ഷാപ്രവര്ത്തനത്തിന് നേതൃത്വം നല്കി. മരണപ്പെട്ടവരുടെ ബന്ധുക്കള്ക്ക് രണ്ട് ലക്ഷം രൂപയും മാരകമായി പരിക്കേറ്റവര്ക്ക് 50,000 രൂപയും ഉത്തര്പ്രദേശ് മുഖ്യമന്ത്രി അഖിലേഷ് യാദവ് പ്രഖ്യാപിച്ചിട്ടുണ്ട്.
സംഭവത്തില് പ്രധാനമന്ത്രി നരേന്ദ്ര മോദി ദുഃഖം രേഖപ്പെടുത്തി. മരിച്ചവരുടെ കുടുംബത്തിന്റെ ദുഃഖത്തില് പങ്കുചേരുന്നുവെന്നും പരുക്കേറ്റവര് അതിവേഗം സുഖം പ്രാപിക്കട്ടെയെന്ന് പ്രാര്ഥിക്കുന്നുവെന്നും അദ്ദേഹം പറഞ്ഞു. എല്ലാ സഹായങ്ങളും നല്കാന് ബന്ധപ്പെട്ട ഉദ്യോഗസ്ഥര്ക്ക് നിര്ദേശം നല്കിയെന്നും പ്രധാനമന്ത്രി ട്വിറ്ററിലൂടെ അറിയിച്ചു.
പ്രതികരിക്കാൻ ഇവിടെ എഴുതുക: