അമ്പലപ്പുഴ: നിര്ദ്ധനനായ ഓട്ടോറിക്ഷാ തൊഴിലാളിയുടെ ചികിത്സയ്ക്കായി നാട് ഒന്നിക്കുന്നു. പുറക്കാട് പഞ്ചായത്ത് ഒമ്പതാം വാര്ഡ് തോട്ടപ്പള്ളി അരുണ് ഭവനത്തില് ജയഘോഷി(49)ന്റെ വൃക്ക മാറ്റിവെയ്ക്കല് ശസ്ത്രക്രിയയ്ക്കാണ് പഞ്ചായത്തിലെ ഏഴു മുതല് പതിമൂന്നു വരെയുള്ള വാര്ഡുകളില് കയറി സാമ്പത്തിക സമാഹരണം നടത്തുവാന് നാട്ടുകാര് തീരുമാനിച്ചത്.
ഇതിനായി ജീവന് രക്ഷാസമിതിയും രൂപീകരിച്ചു. തിരുവല്ലയിലെ സ്വകാര്യ ആശുപത്രിയില് ആഴ്ചയില് മൂന്നു ഡയാലിസിസിനു വിധേയമാകുന്ന ജയഘോഷിന് ഒന്പത് ലക്ഷത്തോളം ഇതുവരെ ചിലവായി കഴിഞ്ഞു.ബന്ധുക്കളുടേയും അയല്വാസികളുടേയും കാരുണ്യത്തിലാണ് ഇത്രയും നാളും ചികിത്സ തുടര്ന്നത്. എന്നാല് ശസ്ത്രക്രിയയ്ക്കും തുടര്ചികിത്സയ്ക്കും ഇനിയും പതിനഞ്ചു ലക്ഷം രൂപ കണ്ടെത്തണം.
എന്നാല് തൊഴില് ഉറപ്പുജോലി ചെയ്ത് കഷ്ടിച്ച് ഉപജീവനം നടത്തുന്ന ഭാര്യ താരയ്ക് നിലവില് താമസിക്കുന്ന എട്ട് സെന്റ് സ്ഥലം വില്ക്കേണ്ട അവസ്ഥയിലാണ് . ഇതിന് പരിഹാരമായാണ് കുടുമ്പത്തെ സഹായിക്കാന് നാട്ടുകാരും ജനപ്രതിനിധികളും രംഗത്ത് എത്തിയത്.
ഇതിനായി ജീവന് രക്ഷാസമിതി രൂപീകരിച്ചാണ് ഇന്നു രാവിലെ 8 മുതല് ഒരു മണി വരെ ധന സമാഹരണം നടത്താന് തീരുമാനിച്ചത്.എസ്.ബി.ടി.പുറക്കാട് ശാഖയില്67378430243 ശളരെ കോഡ് 0000475 നമ്പരില് സഹായ നിധി ലഭ്യമാക്കണമെന്നും ഭാരവാഹികളായ പി.പി. നിജി ,ആര് .രാജി ,പി. ആരോമല് ,രാജേശ്വരി കൃഷ്ണന് എന്നിവര് അറിയിച്ചു.
പ്രതികരിക്കാൻ ഇവിടെ എഴുതുക: