പയ്യന്നൂര്: കേരളത്തിലെ ദൃശ്യ-പത്ര മാധ്യമ രംഗത്ത് തൊഴിലെടുക്കുന്ന മാധ്യമ പ്രവര്ത്തകരുടെ അംഗീകൃത ട്രേഡ് യൂണിയനായ കേരള റിപ്പോര്ട്ടേര്സ് ആന്റ് മീഡിയ പേഴ്സണ്സ് യൂണിയന്റെ(കെആര്എംയു) ഉത്തരമേഖലാ സമ്മേളനം ഇന്ന് പയ്യന്നൂര് റൂറല് ബേങ്ക് ഓഡിറ്റോറിയത്തിലെ സജിത്ത് നഗറില് നടക്കും.
രാവിലെ പത്തരക്ക് കെആര്എംയു സംസ്ഥാന പ്രസിഡണ്ട് മനു ഭരതിന്റെ അദ്ധ്യക്ഷതയില് നടക്കുന്ന സമ്മേളനം കെ.കെ.രാഗേഷ് എംപി ഉദ്ഘാടനം ചെയ്യും. സി.കൃഷ്ണന് എംഎല്എ മുഖ്യപ്രഭാഷണം നടത്തും. പയ്യന്നൂര് നഗരസഭ ചെയര്മാന് അഡ്വ.ശശി വട്ടക്കൊവ്വല് സംസാരിക്കും. വിവിധ ട്രേഡ് യൂണിയന് നേതാക്കളായ വി.മണിരാജ് (ബിഎംഎസ്), പി.വി.കുഞ്ഞപ്പന്(സിഐടിയു),എ.പി.നാരായണന് (ഐഎന്ടിയുസി), എന്.പി.ഭാസ്കരന് (എഐടിയുസി), ആലിക്കുഞ്ഞ് പന്നിയൂര് (എസ്ടിയു) എന്നിവരും കെആര്എംയു സംസ്ഥാന കമ്മിറ്റി ഭാരവാഹികളും സമ്മേളനത്തില് പങ്കെടുക്കും.
സംഘടനാ പ്രവര്ത്തന റിപ്പോര്ട്ട്, പൊതു ചര്ച്ച, ക്രോഡീകരണം, പ്രമേയ അവതരണം എന്നിവക്ക് ശേഷം ജില്ലാ കമ്മിറ്റികളുടെ തെരഞ്ഞെടുപ്പോടെ സമ്മേളനം സമാപിക്കും. സമ്മേളനത്തിന് മുന്നോടിയായുള്ള രജിസ്ട്രേഷന് രാവിലെ ഒമ്പതരക്ക് ആരംഭിക്കും. തിരുവനന്തപുരത്ത് നടക്കുന്ന സംസ്ഥാന സമ്മേളനത്തിന്റെ മുന്നോടിയായാണ് കാസര്ഗോഡ്, കണ്ണൂര്, വയനാട്, കോഴിക്കോട് ജില്ലകള് ഉള്പ്പെടുന്ന ഉത്തര മേഖലാ സമ്മേളനം നടത്തുന്നത്.
പ്രതികരിക്കാൻ ഇവിടെ എഴുതുക: