പറവൂര് : മൂത്തകുന്നം പ്രാഥമിക ആരോഗ്യ കേന്ദ്രത്തിനു മുന്നില് ആശുപത്രി മാലിന്യങ്ങളും പുതിയ മരുന്നുകളും പഴയ മരുന്നുകളടക്കം കുഴിച്ചുമൂടാനുള്ള ആശുപത്രി അധികൃതരുടെ നീക്കം ബിജെപി വടക്കേക്കര പഞ്ചായത്ത് കമ്മിറ്റി പ്രസിഡന്റ് ഒ.പി.ബൈജുവിന്റെ നേതൃത്വത്തില് പ്രവര്ത്തകര് തടഞ്ഞു.
ആശുപത്രിക്ക് മുമ്പിലുള്ള കിണറിനോട് ചേര്ന്ന് ഏഴടിേയാളം വലുപ്പമുള്ള കുഴിയെടുത്താണ് ഉപയോഗിച്ച സിറിഞ്ചുകള് , നാപ്കിനുകള് , കാലാവധി കഴിയാത്തതും കഴിഞ്ഞതുമായ മരുന്നുകള് , ഓപ്പറേഷന് തീയ്യറ്ററിലെ അവശിഷ്ടങ്ങള് , പ്ലാസ്റ്റിക് കുപ്പികള് , കുപ്പി ചില്ലുകള് , ഭക്ഷണത്തിന്റെ അവശിഷ്ടങ്ങള് എന്നിവയാണ് കുഴിച്ച് മൂടാന് ശ്രമിച്ചത് . തൊട്ടടുത്ത് ക്ഷേത്രക്കുളവും സ്ഥിതി ചെയ്യുന്നുണ്ട് .
ഗുരുതരമായ ആരോഗ്യ പ്രശ്നങ്ങള്ക്ക് ഇടവരുത്താവുന്ന പ്രവൃത്തിയാണ് ആശുപത്രി അധികൃതരില് നിന്നുണ്ടായിരിക്കുന്നത് . മാലിന്യം ഇവിടെ കുഴിച്ചുമൂടുവാന് പാടില്ല എന്ന് പറഞ്ഞ് ആശുപത്രി സൂപ്രണ്ടിനെ കണ്ട ബിജെപി നേതാക്കളോട് ഞാന് പിന്നെ ഇത് എന്ത് ചെയ്യും എന്ന വിചിത്രമായ മറുപടിയാണ് ഉണ്ടായത് .മാലിന്യ സംസ്കരണത്തില് ബോധവല്ക്കരണം നടത്തുന്ന ആശുപത്രി അധികൃതരില് നിന്ന് ഇത്തരത്തില് ഒരുനടപടിയുണ്ടായതില് ജനങ്ങള്ക്ക് കടുത്ത പ്രതിഷേധമുണ്ട്.
പ്രതികരിക്കാൻ ഇവിടെ എഴുതുക: