കളമശ്ശേരി : ഇടപ്പള്ളിയില് പുതിയ മേല്പ്പാലം തുറന്നു കൊടുത്തതോടെ കളമശ്ശേരി എറണാകുളം റൂട്ടിലെ ഗതാഗത കുരുക്കും സ്തംഭനവും ഒഴിവായങ്കിലും ടോള് ജംഗ്ഷനില് നിലവിലുണ്ടായിരുന്ന ക്രോസിങ്ങ് പോലീസ് അടച്ചു പൂട്ടിയത് ജനങ്ങളെ ബുദ്ധിമുട്ടിയ്ക്കുന്നു. ക്രോസിങ്ങ് പോലീസ് അടച്ചു പൂട്ടിയത് പുക്കാട്ടുപടി ഭാഗത്ത് നിന്ന് വരുന്ന വാഹനങ്ങള്ക്കാണ് ഏറ്റവും അധികം ബുദ്ധിമുട്ടുണ്ടാകുന്നത്.ഈ ഭാഗത്ത് നിന്നു വരുന്ന വാഹനങ്ങള് ആലുവ ഭാഗത്തേക്ക് പോകണമെങ്കില് ഇടപ്പള്ളി സെന്റ് ജോര്ജ് പള്ളിക്ക് സമീപം പോയി തിരിഞ്ഞു വേണം ഈ ഭാഗത്തേക്ക് പോകണ്ടത്. ഇടപ്പള്ളി സെന്റ് ജോര്ജ് പള്ളിക്ക് മുമ്പിലെ എറണാകുളം ഭാഗത്തേക്കുള്ള ബസ്സ്റ്റോപ്പിനോടു ചേര്ന്ന് യു ടേണ് ഉണ്ടെങ്കിലും ഈ ഭാഗത്ത് തിരക്കും അനുഭവപ്പെടുന്നത് കൊണ്ട് ജനങ്ങള്ക്ക് വാഹനം തിരിക്കാനുള്ള സംശയങ്ങളും വരുന്നുണ്ട്. ഈ പ്രദേശത്ത് എങ്ങും ട്രാഫിക്ക് ബോര്ഡുകളും സ്ഥാപിച്ചിട്ടില്ല.
എറണാകുളം ഭാഗത്ത് നിന്ന് വരുന്ന ട്രെയ്ലര് പോലുള്ള വന് വാഹനങ്ങള്ക്ക് പുതിയ പരിഷ്ക്കാരം എ കെ ജി റോഡിനടുത്തുള്ള യു ടേണില്തിരിയാനുള്ള ബുദ്ധിമുട്ടുകളും ഉണ്ടാക്കുന്നു. ടോള് ജംഗ്ഷനിലെ യുടെണ് അടച്ചു പൂട്ടിയതോടെ റോഡ് കുറുകെ കടക്കാന് പറ്റാതെ നിത്യേന നിരവധി വിദ്യാര്ഥികളും യാത്രക്കാരും വട്ടം ചുറ്റുകയാണ്. ട്രാഫിക്ക് പോലീസ് യാതൊരു നടപടിയും എടുക്കാത്തതില് ജനങ്ങള്ക്കിടയില് പ്രതിഷേധം ശക്തമാകുകയാണ്.
കാല് നടയാത്രക്കാര്ക്ക് സീബ്രാ ലൈനുകള് ഇല്ലാത്തതും വളരെ ബുദ്ധിമുട്ടുണ്ടാകുന്നു. ഒരു മാസമായി ടോള് ജംഗ്ഷനിലെ യു ടേണ് അടച്ചു പൂട്ടിയതിനു ശേഷം രാഷ്ട്രീയ പാര്ട്ടികളും ട്രെഡ് യൂണിയനുകളും വ്യാപാരികളും പല തട്ടിലാണ്. യു ടേണ് തുറപ്പിക്കാനും അടപ്പിക്കാനും സംഘടനകള് മത്സര ഓട്ടത്തിലാണ്. ടോള് ജംഗ്ഷനില് സീബ്രാ ലൈനും സിഗ്ല് സംവിധാനങ്ങളും ഏര്പ്പെടുത്തിയാല് നിലവിലെ പ്രശ്നങ്ങള്ക്ക് പരിഹാരം കാണാന് സാധിക്കുമെന്ന പ്രതീക്ഷയിലാണ് ജനങ്ങള്.
പ്രതികരിക്കാൻ ഇവിടെ എഴുതുക: