മുണ്ടക്കയം: കൂട്ടിക്കല് റോഡില് തേക്കുമരം വീണും സമാന്തരപാതയില് കെഎസ്ആര്ടിസി ബസ്സ് കുഴിയിലേക്കു ചെരിഞ്ഞും രണ്ടിടത്ത് ഗതാഗതം സ്തംഭിച്ചു. രണ്ടിടത്തും ഒഴിവായത് വന് ദുരുന്തം. മുണ്ടക്കയംകൂട്ടിക്കല്ഇളങ്കാട് പാതയില് നെന്മേനിക്കു സമീപം സ്വകാര്യവ്യക്തിയുടെ പുരയിടത്തില് മുറിച്ചു നീക്കികൊണ്ടിരുന്ന തേക്കുമരം റോഡിലേക്കുപതിച്ചതാണ് ഗാതാഗത സ്തംഭനത്തിനിടയാക്കിയത്. വൈകിട്ടായിരുന്നു സംഭവം. കൂറ്റന് മരത്തിന്റെ ശിഖരങ്ങള് മുറിച്ചുമാറ്റി ചുവട് മുറിക്കുന്നതിനിടയില് നിലംപതിക്കുകയായിരുന്നു. ഇളങ്കാട്ടിലേക്കുളള ബസ്സുകളും മറ്റു വാഹനങ്ങളും കടന്നുപോയതിനു തൊട്ടുപിന്നാലെയാണ് മരം നിലംപതിച്ചത്. ഇതോടെ ഇതുവഴിയുളള ഗതാഗതം പൂര്ണമായി നിലച്ചു. കൂട്ടിക്കല്, ഇളങ്കാട്, വെംബ്ലി, കൊക്കയാര് പ്രദേശങ്ങളിലേക്കുളള വാഹനങ്ങള് വഴിയില് കുടുങ്ങി. മുണ്ടക്കയം എസ്ഐ റിച്ചാര്ഡ് വര്ഗീസിന്റെ നേതൃത്വത്തില് പൊലീസ് എത്തി മേഖലയിലേക്കുളള വാഹനങ്ങള് മുപ്പത്തിയഞ്ചാംമൈല് ബോയ്സ് എസ്റ്റേറ്റ് വഴി സമാന്തരപാതയൊരുക്കുകയായിരുന്നു. ഇതിനിടയില് വൈകിട്ട് 7.30ഓടെ ബോയ്സ് കൊക്കയാര് റോഡില് കെഎസ്ആര്ടിസി ബസ് വളമണ്ണ്പുര ഭാഗത്തുവച്ച് കാനയിലേക്കു ചെരിയുകയായിരുന്നു. ഇറക്കത്തില് വളവു തിരിയുന്നതിനിടയില് ബസ്സിന്റെ പിന്വശത്തെ ടയര് കാനയിലേക്കു കയറി. വഴിയോരത്തെ മണ് തിട്ടയില് തട്ടിയാണ് ബസ്സ് നില്ക്കുന്നത്. െ്രെഡവര് അവസരോചിതമായി പെരുമാറിയതിനാല് വന് ദുരുന്തമാണ് വഴിമാറിയത്. ബസ്സ് അപകടത്തില് പെട്ടവളവില് മുമ്പ് നിരവധി അപകടങ്ങളും മരണങ്ങളും സംഭവിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: