കണ്ണൂര്: ജയിലില് സംഘപരിവാര് പ്രവര്ത്തകര്ക്കെതിരെ സിപിഎം സംഘം അക്രമം നടത്തിയതില് പ്രതിഷേധിച്ച് ബിജെപി ജില്ലാ കമ്മിറ്റിയുടെ ആഭിമുഖ്യത്തില് കണ്ണൂര് നഗരത്തില് പ്രതിഷേധ പ്രകടനം നടത്തി. എസ്എന് പാര്ക്ക് പരിസരത്തു നിന്നും ആരംഭിച്ച പ്രകടനത്തിന് ബിജെപി നേതാക്കളായ പി.കെ.വേലായുധന്, പി.സത്യപ്രകാശ്, എ.ഒ.രാമചന്ദ്രന്, കെ.രാധാകൃഷ്ണന്,ഡോ.ചന്ദ്രന്,ടി.സി.മനോജ് തുടങ്ങിയവര്പ്രതിഷേധ പ്രകടനത്തിന് നേതൃത്വം നല്കി. പ്രകടനം കാല്ടെക്സില് സമാപിച്ചു. തുടര്ന്ന് നടന്ന യോഗത്തില് പി.സത്യപ്രകാശ് പ്രസംഗിച്ചു.
അയ്യന്കുന്ന് ഗ്രാമ പഞ്ചായത്തിലേക്ക് ബിജെപി മാര്ച്ചും ധര്ണ്ണയും ഇന്ന്
ഇരിട്ടി : അയ്യന്കുന്നിലെ കരിങ്കല് ക്വാറി മാഫിയകള്ക്ക് കീഴടങ്ങിയ പഞ്ചായത്ത് ഭരണസമിതിയും പ്രതിപക്ഷാംഗങ്ങളും രാജിവെക്കുക, ജനങ്ങളുടെ ജീവനും സ്വത്തിനും സംരക്ഷണം നല്കുക, വലിയ പറമ്പുംകരിയിലെ ജനവാസ കേന്ദ്രത്തില് കരിങ്കല് പൂഴി യൂനിറ്റ് സ്ഥാപിക്കാനുള്ള നീക്കം ഉപേക്ഷിക്കു തുടങ്ങിയ ആവശ്യങ്ങള് ഉന്നയിച്ചു ബിജെപി അയ്യന് കുന്ന് പഞ്ചായത്ത് കമ്മിറ്റിയുടെ ആഭിമുഖ്യത്തില് ഇന്ന് പഞ്ചായത്ത് ഓഫീസിലേക്ക് മാര്ച്ചും ധര്ണ്ണയും നടക്കും. ബിജെപി മണ്ഡലം കമ്മിറ്റി നേതാക്കള് ധര്ണ്ണയില് പങ്കെടുത്ത് സംസാരിക്കുമെന്നു പേരാവൂര് മണ്ഡലം ജനറല് സിക്രട്ടറി എം.ആര്. സുരേഷ്, ബിജെപി പഞ്ചായത്ത് പ്രസിഡണ്ട് ജയകുമാര്, വൈസ് പ്രസിഡന്റ് മാധവന് കരിക്കനാല്, സിക്രട്ടറി പ്രജുകുമാര് എന്നിവര് അറിയിച്ചു.
പ്രതികരിക്കാൻ ഇവിടെ എഴുതുക: