കുടമാളൂര്: കഥകളി ആചാര്യന് കുടമാളൂര് കരുണാകരന് നായരുടെ 16-ാമത് സ്മൃതിദിനം ആചരിച്ചു. അദ്ദേഹത്തിന്റെ ഭൗതിക ശരീരം സംസ്കരിച്ച കുടമാളൂര് അമ്പാടി വീട്ടിലെ സ്മൃതി മണ്ഡപത്തില് രാവിലെ പുഷ്പാര്ച്ചനയും ഗുരുപ്രമാണവും നടത്തി. തുടര്ന്ന് നടനന്ന അനുസ്മരണ സമ്മേളനത്തില് പ്രൊഫ. മാടവന ബാലകൃഷ്ണപിള്ള അനുസ്മരണ പ്രഭാഷണം നടത്തി. കരയോഗം പ്രസിഡന്റ് മാത്തൂര് ഗോവിന്ദന്കുട്ടി അദ്ധ്യക്ഷത വഹിച്ചു. ഗ്രാമപഞ്ചായത്തംഗം എം.എസ്. ജയകുമാര് കരയോഗം ട്രഷറര് എം.വി.രാജഗോപാലന് നായര്, ഇ.വി.ജയകുമാര്, കുടമാളൂര് രാധാകൃഷ്ണന്, കലാമണ്ഡലം രാമകൃഷ്ണന്, കെ.കെ.ഷാജിമോന്, മോഹനചന്ദ്രപ്രതാപ് തുടങ്ങിയവര് സംസാരിച്ചു. 1517-ാം നമ്പര് എന്എസ്എസ് കരയോഗം സംഘാടകരായിരുന്നു. കലാസാംസ്കാരിക രംഗത്തെ പ്രമുഖരും ചടങ്ങില് പങ്കെടുത്തു.
പ്രതികരിക്കാൻ ഇവിടെ എഴുതുക: