കണ്ണൂര്: കൗസര് ഇംഗ്ലീഷ് സ്കൂളിന്റെ ആഭിമുഖ്യത്തില് സ്ക്കൂള് വിദ്യാര്ഥികള്ക്ക് വേണ്ടി നടത്തിവരുന്ന തന്സീല് ഇന്റര് സ്ക്കൂള് ഖുര്ആന് പാരായണവും ഇസ്ലാമിക് ക്വിസ് മത്സരവും സ്ക്കൂള് ഓഡിറ്റോറിയത്തില് സംഘടിപ്പിക്കുമെന്ന് ഭാരവാഹികള് വാര്ത്താസമ്മേളനത്തില് പറഞ്ഞു. നാളെ രാവിലെ ഒമ്പതിന് പരിപാടിയുടെ ഉദ്ഘാടനം മുസ്ലീം പേഴ്സണല് ലോ ബോര്ഡ് മെമ്പര് അബ്ദുല് ശുക്കൂര് ഖാസിമി നിര്വ്വഹിക്കും. വിവിധ സ്ക്കൂളുകളില് നിന്നായി 250 കുട്ടികള് പങ്കെടുക്കും. ഒന്നാം സ്ഥാനം കരസ്ഥമാക്കുന്ന വിദ്യാര്ഥിക്ക് 10,000 രൂപയും രണ്ടും മൂന്നും സ്ഥാനം കരസ്ഥമാക്കുന്ന വിദ്യാര്ഥികള്ക്ക് 5000 രൂപയും, 3000 രൂപയും സമ്മാനമായി നല്കും. ആണ്, പെണ് വിഭാഗമായാണ് മത്സരം നടക്കുക. വി.കെ.ഖാലിദ്, കെ.ടി.വിനോദ് കുമാര്, എന്.എം.മൂസ തുടങ്ങിയവര് വാര്ത്താസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: