ചേര്ത്തല: എസ്എന്ഡിപി യോഗം കണിച്ചുകുളങ്ങര യൂണിയനില് 6.31 കോടി രൂപയുടെ വാര്ഷിക ബഡ്ജറ്റിന് അംഗീകാരം.കണിച്ചുകുളങ്ങര ഗുരുപൂജാഹാളില് നടന്ന നാലാമത് വാര്ഷിക പൊതുയോഗത്തില് യൂണിയന് സെക്രട്ടറി കെ.കെ മഹേശന് അവതരിപ്പിച്ച 6,31,15,280 രൂപയുടെ ബഡ്ജറ്റിനാണ് വാര്ഷിക പൊതുയോഗം അംഗീകാരം നല്കിയത്.
യോഗം കൗണ്സിലര് പി.എസ്.എന് ബാബു ഉദ്ഘാടനം ചെയ്തു.യൂണിയന് പ്രസിഡന്റ് വി.എം പുരുഷോത്തമന് അദ്ധ്യക്ഷത വഹിച്ചു.യൂണിയന് സെക്രട്ടറി കെ.കെ മഹേശന് വാര്ഷിക വരവ്ചിലവ് കണക്കും അവതരിപ്പിച്ചു.ഔദ്ധ്യോഗിക പാനലില് എതിരില്ലാത്തതിനാല് വോട്ടെടുപ്പ് ഉണ്ടായിരുന്നില്ല. ഭാരവാഹികളായി വി.എം.പുരുഷോത്തമന് (പ്രസിഡന്റ്),പി.കെ ധനേശന്(വൈസ് പ്രസിഡന്റ്),കെ.കെ മഹേശന് (സെക്രട്ടറി)എന്നിവരെ തിരഞ്ഞെടുത്തു.
ഡയറക്ടര് ബോര്ഡ് അംഗങ്ങളായി പി.എസ്.എന്.ബാബു,കെ.കെ പുരുഷോത്തമന് എന്നിവരെ തിരഞ്ഞെടുത്തു. പഞ്ചായത്ത് കമ്മിറ്റി അംഗങ്ങളായി സിബി നടേശ്,എം.എസ് നടരാജന്,കെ.ശശികുമാര് എന്നിവരെ തിരഞ്ഞെടുത്തു.2004 ലാണ് കണിച്ചുകുളങ്ങര യൂണിയന് പ്രവര്ത്തനം ആരംഭിച്ചത്.തുടര്ച്ചയായി നാലാം തവണയും ഔദ്ധ്യോഗിക പാനലിനെ എതിരില്ലാതെ തിരഞ്ഞെടുക്കുകയായിരുന്നു.
പ്രതികരിക്കാൻ ഇവിടെ എഴുതുക: