കട്ടപ്പന: പാചകവാതക സിലിണ്ടറിന് തീ പിടിച്ചത് പരിഭ്രാന്തി പരത്തി. വണ്ടന്മേട് മാലി കോളനിയില് പളനിയാണ്ടിയുടെ വീട്ടിലെ പാചക വാതക സിലിണ്ടറിനാണ് തീപിടിച്ചത്. കാപ്പി തിളപ്പിക്കുന്നതിനിടെ ഗ്യാസ് ട്യൂബിലൂടെ സിലിണ്ടറിലേക്ക് തീ പടരുകയായിരുന്നു. ഉടന് തന്നെ പളനിയാണ്ടി സിലിണ്ടര് വീടിനു മുറ്റത്തെ ഓടയിലേക്ക് വലിച്ചെറിഞ്ഞു.
ഇന്നലെ ഉച്ചക്ക് 1.30 ഓടെയാണ് സംഭവം. വിവരമറിഞ്ഞ് സ്ഥലത്തെത്തിയ പോലീസുകാരും നാട്ടുകാരും ചേര്ന്ന് തീ അണയ്ക്കാന് ശ്രമിച്ചെങ്കിലും നടന്നില്ല. കട്ടപ്പനയില് നിന്നും അഗ്നിശമന സേനയെത്തിയാണ് തീ അണച്ചത്.
പ്രതികരിക്കാൻ ഇവിടെ എഴുതുക: