കാഞ്ഞിരപ്പള്ളി: പ്രൈവറ്റ് ബസ്സ്റ്റാന്റില് പാര്ക്ക് ചെയ്യാന് പിന്നോട്ട് എടുത്ത് ബസ് കടത്തിണ്ണയിലേക്ക് ഇടിച്ചു കയറി. കാഞ്ഞിരപ്പള്ളി പ്രൈവറ്റ് ബസ് സ്റ്റാന്റിലാണ് സംഭവം.
ബസ് വരുന്നത് കണ്ട് കടയുടെ മുന്നില് നിന്നവര് ഓടിമാറിയതികൊണ്ട് ദുരന്തം ഒഴിവായി. ശനിയാഴ്ച ഉച്ചയ്ക്ക് ഒന്നരയ്ക്ക് ബസ്സ്റ്റാന്റിലെ ആന്സ് മെഡിക്കല് ഷോപ്പിനു മുന്പിലാണ് സംഭവം. ഈരാറ്റുപേട്ട ഭാഗത്തേയ്ക്കു പോകുന്ന ബസ് പിന്നോട്ടെടുത്തപ്പോള് കടത്തിണ്ണയിലേയ്ക്ക് ഇടിച്ചുകയറുകയായിരുന്നു. സംഭവം കണ്ടു നിന്നവര് ബഹളം വച്ചതോടെ വിദ്യാര്ത്ഥികള് ഉള്പ്പെടെയുള്ളവര് ഓടി മാറി. കടയുടെ കൗണ്ടറില് ബസ് തട്ടി നിന്നു. ബസ് മാറ്റാന് ആവശ്യപ്പെട്ടിട്ടും ഏറെ നേരം കഴിഞ്ഞാണ് ജീവനക്കാര് ബസ് സ്ഥലത്തു നിന്നും മാറ്റിയതെന്നും കടയുടമ പറയുന്നു.
സ്ഥല പരിമിതിയില് ബുദ്ധിമുട്ടുന്ന കാഞ്ഞിരപ്പള്ളി സ്വകാര്യ ബസ് സ്റ്റാന്റില് അപകടം നിത്യസംഭവമാണ്. ഇടുങ്ങിയ വഴിയിലൂടെ സ്റ്റാന്റിലേക്ക് അമിത വേഗതയില് പ്രവേശിക്കുന്ന ബസുകള് അപകട സാദ്ധ്യത വര്ദ്ധിപ്പിക്കുന്നതായി പരാതി ഉണ്ട്. സ്റ്റാന്റിനുള്ളിലെ കോണ്ക്രീറ്റും ടാറിങും ഇളകി കുഴികള് രൂപപ്പെട്ടതും യാത്രക്കാര്ക്ക് ദുരിതമാണ്. ബസുകള് പാര്ക്ക് ചെയ്യാന് മതിയായ സൗകര്യമില്ലാത്തതിനാല് ജീവനക്കാര് തമ്മിലുള്ള തര്ക്കവും പതിവാണ്.
പ്രതികരിക്കാൻ ഇവിടെ എഴുതുക: