കണ്ണൂര്: ക്രൂരമായ രാഷ്ട്രീയ കൊലപാതകങ്ങള്ക്കെതിരെ ജനങ്ങളുടെ പക്ഷത്തു നിന്നും സ്ത്രീകളുടെ പക്ഷത്തു നിന്നും സംസാരിക്കുന്ന സിനിമ സവിത ണ/ീ രമേശന് എന്ന പേരില് കണ്ണൂരില് നിന്നും നിര്മ്മിക്കുന്നു. രാഷ്ട്രീയ അക്രമങ്ങളില് കൊല്ലപ്പെടുന്നവരുടെ അമ്മ, ഭാര്യ, മക്കള് എന്നിവരില് ഏറ്റവും പ്രിയപ്പെട്ടവരുടെ വിയോഗം ഏല്പ്പിക്കുന്ന ആഘാതവും അവരുടെ ശിഷ്ടകാല ജീവിതവും അതീജിവനശ്രമവുമാണ് സിനിമയുടെ പ്രമേയം എന്ന് അണിയറ പ്രവര്ത്തകര് വാര്ത്താസമ്മേളനത്തില് അറിയിച്ചു. പ്രോഗ്രസ്സീവ് ഫിലിം മൂവ്മെന്റിന്റെ ബാനറില് എന്.ശശിധരന് രചിച്ച് ശിവകുമാര് കാങ്കോല് സംവിധായകന് ചെയ്യുന്ന ചിത്രത്തില് ചിന്നു കുരുവിളയാണ് നായികയാവുന്നത്. ഇന്ദ്രന്സ്, ഇര്ഷാദ്, സി.കെ.ബാബു, രാജേഷ് ശര്മ എന്നിവര്ക്കൊപ്പം പ്രമുഖരായ നിരവധി നാടക നടീനടന്മാരും വേഷമിടുന്നു. വാര്ത്താസമ്മേളനത്തില് സിനിമാ അണിയറപ്രവര്ത്തകരായ കെ.യു.മനോജ്, കോക്കാട് നാരായണന്, ജലീല് ബാദുഷ, എം.കെ.അശോക് കുമാര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: