ഇരിട്ടി: നഗരത്തിന് തണലേകുന്ന മരങ്ങളെ സാമൂഹ്യ വിരുദ്ധരില് നിന്ന് സംരക്ഷിക്കാന് ഗ്രീന്ലീഫിന്റെയും പാല ഗവ. ഹയര് സെക്കന് ഡറി സ്കൂള് ഉറവ പരിസ്ഥിതി ക്ലബ്ബിന്റെയും നേതൃത്വത്തില് നടത്തിയ ഹരിത സ്നേഹ സംഗമവും പ്രതിഷേധ കൂട്ടായ്മയും ശ്രദ്ധേയമായി. പൊലീസിന്റെയും പഞ്ചായത്തിന്റെയും വ്യാപാരി -ചുമട്ടു തൊഴിലാളി -ഓട്ടോ ടാക്സി ഡ്രൈവര്മാരുടെയും പരിസ്ഥിതി പ്രവര്ത്തകരുടെയും നേതൃത്വത്തില് നട്ട് പരിപാലിച്ചു വരുന്ന മരങ്ങളാണ് നിരന്തരം കയ്യേറ്റത്തിന് വിധേയമാകുന്നത്. കഴിഞ്ഞ ദിവസം പുതിയബസ് സ്റ്റാന് ഡ് അപ്രോച്ച് റോഡി ലെ ഏഴ് വര്ഷം പ്രായമായ പേരമരം രാസവസ്തുക്കള് ഒഴിച്ച് ഉണക്കിയിരുന്നു. ഇതിനെതിരെ ഗ്രീന്ലീഫ് ഇരിട്ടി പൊലീസില് പരാതി നല്കിയതിന്റെ അടിസ്ഥാനത്തില് അന്വേഷണം നടത്തി വരികയാണ്. മരങ്ങളില് കമ്പിയും ആണി യും ഉപയോഗിച്ച് ബോര്ഡുകളും ബാനറുകളും വ്യാപകമായി തൂക്കുകയാണ്. ഇത്തരം സാമൂഹ്യ വിരുദ്ധരെ ഒറ്റപ്പെടുത്തണമെന്നും തണല് മരങ്ങള് നശിപ്പിക്കുന്നവര്ക്കെതിരെ കര്ശന നടപടി സ്വീകരിക്കണമെന്നും ആവശ്യ പ്പെട്ടായിരുന്നു പ്രതിഷേധ ക്കൂട്ടായ്മ നടന്നത്. ഇതിന്റെ ഭാഗമായി നടത്തിയ പരിസ്ഥിതി സ്നേഹ സംഗമം ഇരിട്ടി നഗരസഭാ സ്ഥിരസമിതി അധ്യക്ഷന് കെ. മോഹനന് ഉദ്ഘാടനം ചെയ്തു. കൗണ്സിലര് റുബീന റഫീഖ് അധ്യക്ഷത വഹിച്ചു. ഗ്രീന്ലീഫ് പ്രവര്ത്തക രായ സി.എ. അബ്ദുള് ഗഫൂര്, പി.അശോകന്, കെ. ജയരാജന്, എന്.ജെ. ജോഷി, ഐ.കെ. വിജയ രാജന്, വില്സന് പീറ്റര്, പി.പി. രജീഷ്, സന്തോഷ്കുമാര്, പി. റഫീഖ്, ഉറവ പരിസ്ഥിതി ക്ലബ് പ്രസിഡന്റ് എം.വി. ഹര്ഷ, സെക്രട്ടറി അനു നന്ദന, നന്ദന ലക്ഷ്മണന്, നിവ്യ അളോറ, പി. ആവണി എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: