കണ്ണൂര്: ജില്ലയില് വിനോദസഞ്ചാരത്തിന് സൗകര്യമൊരുക്കുന്നതിന്റെ ഭാഗമായി ജില്ലാ ടൂറിസം പ്രമോഷന് കൗണ്സിലിന്റെ നേതൃത്വത്തില് പെരുമ്പ പുഴ മുതല് ചെമ്പല്ലിക്കുണ്ട് വരെ മോട്ടോര് ബോട്ട് സര്വ്വീസും കാട്ടാമ്പളളി മുതല് മുണ്ടേരി കടവ് കയാക്കിങ്ങ് ബോട്ട്(കുറഞ്ഞത് 7 എണ്ണം) സര്വ്വീസും ആരംഭിക്കുന്നതിന് താല്പര്യമുളളവരില് നിന്നും ഡിടിപിസി താല്പര്യപത്രം ക്ഷണിച്ചു. താല്പര്യമുളളവര് നവംബര് 14 നകം സെക്രട്ടറി, താലൂക്ക് ഓഫീസ് കോമ്പൗണ്ട്, കണ്ണൂര് 2 എന്ന വിലാസത്തില് അപേക്ഷ സമര്പ്പിക്കണം. ഫോണ്:0497 2706336.
നിയമസേവനങ്ങളെക്കുറിച്ച് ബോധവല്ക്കരണം
കണ്ണൂര്: ജില്ലാ ലീഗല് സര്വ്വീസസ് അതോറിറ്റിയുടെ പാരാ ലീഗല് വളണ്ടിയര്മാര് നവംബര് 2, 3 തീയതികളില് വീടുകള് സന്ദര്ശിച്ച് നിയമ സേവനങ്ങളെക്കുറിച്ച് ബോധവല്ക്കരണം നടത്തും. ദേശീയ നിയമ സേവന അതോറിറ്റിയുടെ നിര്ദ്ദേശപ്രകാരമാണിത്. കൂടാതെ സര്ക്കാര് ഓഫീസുകളും പോലീസ് സ്റ്റേഷനുകളും സന്ദര്ശിക്കും.
നിയമ സേവന അതോറിറ്റികള് നല്കി വരുന്ന വിവിധ സേവനങ്ങളെക്കുറിച്ച് ബോധവല്ക്കരിക്കുകയാണ് സന്ദര്ശനത്തിന്റെ ഉദ്ദേശം. വിവിധ പ്രവര്ത്തനങ്ങള് പ്രതിപാദിക്കുന്ന ലഘു ലേഖകളും വിതരണം ചെയ്യും. സൗജന്യ നിയമസഹായം, നിയമോപദേശം, നിയമബോധവല്ക്കരണം, സാമൂഹിക പ്രശ്നങ്ങളുമായി ബന്ധപ്പെട്ട പ്രവര്ത്തനങ്ങള് മുതലായ നിയമ സേവനങ്ങളെക്കുറിച്ച് വളണ്ടിയര്മാര് വിശദീകരിക്കും. സാമൂഹിക പ്രശ്നങ്ങളുമായി ബന്ധപ്പെട്ട പ്രവര്ത്തനങ്ങള് മുതലായ നിയമ സേവനങ്ങളെക്കുറിച്ച് വളണ്ടിയര്മാര് വിശദീകരിക്കും.
പ്രതികരിക്കാൻ ഇവിടെ എഴുതുക: