കൊയിലാണ്ടി: ബിജെപി കൊയിലാണ്ടി മണ്ഡലം കമ്മിറ്റി ഓഫീസ് ബിജെപി സംസ്ഥാന ജനറല് സെക്രട്ടറി കെ. സുരേന്ദ്രന് ഉദ്ഘാടനം ചെയ്തു.
കേന്ദ്രസര്ക്കാര് നടപ്പാക്കുന്ന ജനകീയ പദ്ധതികള്ക്കൊപ്പം ജനങ്ങള് സമാന്തരമായി പ്രവര്ത്തിക്കണമെന്ന് കെ. സുരേന്ദ്രന് പറഞ്ഞു. ബിജെപിയുടെ ആദര്ശമാണ് ജനങ്ങളെ സംഘടനയിലേക്ക് അടുപ്പിക്കുന്നത്. കേരളത്തില് യുഡിഎഫ് സര്ക്കാര് മൂന്ന് വര്ഷം കൊണ്ട് ചെയ്ത അഴിമതികള് എല്ഡിഎഫ് സര്ക്കാര് മൂന്ന് മാസം കൊണ്ട് പൂര്ത്തിയാക്കിയെന്നും അദ്ദേഹം കൂട്ടിച്ചേര്ത്തു.
ബിജെപി മണ്ഡലം പ്രസിഡണ്ട് അഡ്വ: വി. സത്യന് അധ്യക്ഷത വഹിച്ചു. സംസ്ഥാന വക്താവ് പി. രഘുനാഥ്, യുവമോര്ച്ച സംസ്ഥാന ജനറല് സെക്രട്ടറി പ്രഫുല് കൃഷ്ണന്, ബിജെപി ജില്ലാ ജനറല് സെക്രട്ടറി ടി. ബാലസോമന്, വി.എം. രാമകൃഷ്ണന്, ടി.കെ. പത്മനാഭന്, എം.സി. ശശീന്ദ്രന്, വി.കെ. ജയന്, എ.പി. രാമചന്ദ്രന്, അഖില് പന്തലായനി, സ്മരണ കുഞ്ഞിക്കണാരന് എന്നിവര് പങ്കെടുത്തു.
ചടങ്ങില് കെ.പി. മോഹനന് സ്വാഗതവും വി.കെ. ഉണ്ണിക്കൃഷ്ണന് നന്ദിയും പറഞ്ഞു. കൊയിലാണ്ടിയില് കൊരയങ്ങാട് തെരുവിന് സമീപമാണ് ബിജെപിയുടെ ഓഫീസ്.
പ്രതികരിക്കാൻ ഇവിടെ എഴുതുക: