എലിക്കുളം: വൈദ്യുതി പോസ്റ്റുകള് റോഡിലേക്ക് ഇറങ്ങി നില്ക്കുന്നതിനാല് കുരുവിക്കൂട്-കപ്പാട് റോഡില് അപകടങ്ങള് പതിവാകുന്നു.
ഇരുവശത്തേക്കും ഒരുപോലെ വാഹനങ്ങള് പോകുമ്പോള് പോസ്റ്റിലിടിക്കാതിരിക്കാന് വെട്ടിക്കുന്നതാണ് മിക്കപ്പോഴും അപകടത്തിനിടയാക്കുന്നത്. ഇതു സംബന്ധിച്ച് കെഎസ്ഇബി അധികൃതരെ ധരിപ്പിച്ചപ്പോള് പൊതുമരാമത്ത് വകുപ്പിനെ അറിയിക്കാനാണ് നിര്ദേശിച്ചത്.
പൊതുമരാമത്ത് വകുപ്പിനെ അറിയിച്ചപ്പോള് റോഡ് വീതി കൂട്ടി നിര്മ്മിക്കാന് പോവുകയാണെന്നും ഈ സമയം പോസ്റ്റുകള് മാറ്റുമെന്നുമാണ് അറിയിച്ചത്. എന്നാല് റോഡ് പണിക്കു കാലതാമസം വരുമെന്നതിനാല് അതുവരെ അപകട ഭീഷണി ഒഴിവാക്കാന് അധികൃതര് നടപടിയെടുക്കില്ലെന്നുറപ്പായി.
ഈ അനാസ്ഥ പ്രതിഷേധാര്ഹമാണെന്നും പ്രദേശവാസികളുടെ നേതൃത്വത്തില് സമരം നടത്തുമെന്നും എലിക്കുളം പഞ്ചായത്ത് ക്ഷേമകാര്യ സ്റ്റാന്ഡിംഗ് കമ്മിറ്റി ചെയര്മാന് മാത്യൂസ് പെരുമനങ്ങാട്ട് അറിയിച്ചു.
പ്രതികരിക്കാൻ ഇവിടെ എഴുതുക: