കോട്ടയം: സാധനയാണ് ഭാരതീയ ജീവിതത്തിന്റെ അടിത്തറയെന്ന് ആര്എസ്എസ് ശബരിഗിരി ജില്ലാ സഹസംഘചാലക് ഡോ. വി.പി. വിജയമോഹന് അഭിപ്രായപ്പെട്ടു. തപസ്യ കലാസാഹിത്യവേദിയും വികാസ്ഭാരതിയും തിരുനക്കരയില് സംഘടിപ്പിച്ച ദീപാവലി ആഘോഷഭാഗമായി ആര്എസ്എസ് കോട്ടയം ജില്ലാകാര്യാലയത്തി ല് നടന കുടുംബസംഗമത്തില് ദീപാവലി സന്ദേശം നല്കുകയായിരുന്നു അദ്ദേഹം.
സാധാനാനുഷ്ഠാനത്തിന്റെ കുറവാണ് മൂല്യച്യുതിക്ക് കാരണം. വിശ്വപ്രേമത്തിന്റെ സന്ദേശം നല്കുവാന് മനുഷ്യന് കഴിയണം. അതിന് സമര്പ്പണ മനോഭാവമാണ് നമുക്ക് വേണ്ടതെന്നും അദ്ദേഹം പറഞ്ഞു. കുടുംബ സംഗമത്തില് വികാസ്ഭാരതി അദ്ധ്യക്ഷന് എ. കേരളവര്മ്മ അദ്ധ്യക്ഷനായിരുന്നു. കഥകളി ആചാര്യന് മാത്തൂര് ഗോവിന്ദന്കുട്ടി ഉത്ഘാടനം നിര്വ്വഹിച്ചു. ഡോ. വി.പി. വിജയമോഹന് ദീപാവലി സന്ദേശം നല്കി. സംഗീതജ്ഞ വത്സല രാമാകൃഷ്ണന്, ജൈവകര്ഷകനും നാട്ടുവൈദ്യനുമായ രാജു സെബാസ്റ്റ്യന് എന്നിവരെ ചടങ്ങില് ആദരിച്ചു.
പെണ്കുട്ടികള്ക്കും അമ്മമാര്ക്കുംവേണ്ടി എന്. അജിതന് നമ്പൂതിരി, സാമൂഹ്യ പ്രതിബദ്ധതയും സ്ത്രീ സുരക്ഷയും എന്ന വിഷയത്തില് ക്ലാസ് നയിച്ചു. കാ.ഭാ. സുരേന്ദ്രന്, തപസ്യ സംസ്ഥാന സെക്രട്ടറി പി.ജി. ഗോപാലകൃഷ്ണന്, ജില്ലാ പ്രസിഡന്റ് കവനമന്ദിരം പങ്കജാക്ഷന്, സെക്രട്ടറി വി.ജി. ജയദേവ്, ആര്എസ്എസ് ജില്ലാ കാര്യവാഹ് എം.എസ്. മനു, ആര്. സാനു, ഹരികുമാര്, ശിവാനന്ദന്, കുടമാളൂര് രാധാകൃഷ്ണന് തുടങ്ങിയവര് പരിപാടിക്കു നേതൃത്വം നല്കി.
പ്രതികരിക്കാൻ ഇവിടെ എഴുതുക: