കരുനാഗപ്പള്ളി: അനധികൃതമായി വീട്ടില് സൂക്ഷിച്ചിരുന്ന 75 ചാക്ക് റേഷനരി പോലീസ് പിടികൂടി. കുലശേഖരപുരം കടത്തൂര് പനമുട്ടിമുക്കിനു സമീപം വാഴൂര് തെക്കതില് ജബ്ബാര്കുട്ടിയുടെ വീട്ടില് സൂക്ഷിച്ച റേഷനരിയാണ് പിടിച്ചത്.
പോലീസിനു കിട്ടിയ രഹസൃവിവരത്തെ തുടര്ന്ന് കഴിഞ്ഞ ദിവസം രാത്രി ഒരു മണിയോടെ എസ്.ഐ.രാേഗഷിന്റെ നേതൃത്വത്തിലാണ് അരിശേഖരം പിടിച്ചെടുത്തത്. സിവില് സപ്ലൈ ഉദ്യോഗസ്ഥരെ പോലീസ് വിവരം അറിയിച്ചതിനെ തുടര്ന്ന് ഉദ്യോഗസ്ഥരെത്തിഅരി ഏറ്റെടുത്തു. റേഷന് കടത്തുമായി ബന്ധപ്പെട്ട് ജയില്വാസം അനുഷ്ടിച്ച ജബ്ബാര് വീണ്ടും റേഷന്അരി കടത്താനുള്ള ശ്രമത്തിനിടെ അറസ്റ്റുചെയ്യുകയായിരുന്നു. തിരുവല്ല, ചങ്ങനാശ്ശേരി എന്നിവിടങ്ങളിലെ മില്ലുകളില് വിതരണം ചെയ്യുന്നതിനു കരുതിയിരുന്നതാണെന്ന് പോലീസ് പറഞ്ഞു. കരുനാഗപ്പള്ളി പോലീസ് കേസെടുത്തു.
പ്രതികരിക്കാൻ ഇവിടെ എഴുതുക: