കൊല്ലവര്ഷം, മലയാള വര്ഷം എന്നെല്ലാം വിശേഷിപ്പിക്കുന്ന ഒരു പുതിയ വര്ഷം (1192) 2016 ആഗസ്റ്റ് 17 ന് ചിങ്ങം ഒന്നിന് വന്നു; പൊന്നിന് ചിങ്ങം. പൊന്നോണത്തിന്റെ സൗഭാഗ്യംകൂടി തൊടുവിച്ചു. ചിങ്ങക്കൃഷി, മകരക്കൃഷി എന്നെല്ലാം കര്ഷകര് ആഹ്ലാദപൂര്വം എതിരേറ്റു.
കൊല്ലവര്ഷത്തിന്റെ പ്രാധാന്യം
ഭാരതത്തിലെ പ്രാദേശിക വര്ഷങ്ങളിലൊന്നാണ് കൊല്ലവര്ഷം. കേരളത്തില് കൊല്ലവര്ഷത്തിന്റെ പ്രസക്തി കുറഞ്ഞിട്ടില്ല എന്നു പറയാം.
കൊല്ലവര്ഷത്തിന്റെ ഉദ്ഭവം
വിവിധ അഭിപ്രായങ്ങള് കൊല്ലവര്ഷാരംഭത്തിന്റെ പിന്നിലുണ്ട്. ഉദയമാര്ത്താണ്ഡവര്മ്മ എന്ന തിരുവിതാംകൂര് രാജാവ് ജ്യോതിശാസ്ത്ര പണ്ഡിതരുടെ ഒരു സമ്മേളനം കൊല്ലത്തു വിളിച്ചുകൂട്ടിയെന്നും അത് ക്രിസ്തുവര്ഷം 825 ലായിരുന്നുവെന്നും അന്ന് മുതലാണ് കൊല്ലവര്ഷം തുടങ്ങിയതെന്നും പണ്ഡിതര് അഭിപ്രായപ്പെടുന്നു. പല പഠനങ്ങള്ക്കുംശേഷം ചിങ്ങമാസത്തിലാരംഭിക്കുന്ന പുതിയ വര്ഷത്തിന് അവര് സ്വാഗതമേകി.
ശ്രീശങ്കരാചാര്യരുടെ മഹത്തായ ഒരു പ്രഭാഷണത്തെ അനുസ്മരിച്ചും ആദരിച്ചും കൊല്ലവര്ഷാരംഭം കുറിച്ചുവെന്നും പണ്ഡിതലോകം സമ്മതിക്കുന്നു.
പ്രശസ്തമായ മറ്റൊരു ചിന്ത ഇപ്രകാരമാണ്: വടക്കന് കോലത്തിരി രാജാവിനും, തെക്കന് കോലത്തിരി രാജാവിനും പെരുമാള് സ്വാതന്ത്ര്യം കൊടുത്ത ദിവസത്തെ ആദരിച്ചുകൊണ്ടാണ് കൊല്ലവര്ഷം അംഗീകരിച്ചതെന്നും കാണുന്നു.
ഓണത്തിന്റെ മഹത്വം പുതുക്കാനാണ് കൊല്ലവര്ഷാരംഭത്തില് തിരികൊളുത്തിയത് എന്നും പ്രസിദ്ധം. ഇതിന്റെ സജീവമായ പ്രാതിനിധ്യം കുറിച്ച് കൊല്ലത്ത് ഒരു ശിവക്ഷേത്രം നിര്മിച്ച് ആരാധിച്ചുപോരുന്നു. കൊല്ലവര്ഷത്തെക്കുറിച്ചുള്ള ആദ്യരേഖ വേണാട്ടിലെ ശ്രീവല്ലഭന് കോതയുടെ മാമ്പള്ളി ശാസനമാണ്.
ഇന്നത്തെ പ്രസക്തി
ദേശീയമായ കാഴ്ചപ്പാട് വിശാലമായിത്തീര്ന്നു. സര്ക്കാര് സ്ഥാപനങ്ങള്, അവയിലെ ഉദ്യോഗസ്ഥരുടെ പ്രതിമാസ വേതനം, നിയമനങ്ങള്, സ്ഥലംമാറ്റങ്ങള്, അന്താരാഷ്ട്ര വിനിമയങ്ങള്, യാത്രകള് തുടങ്ങിയവ വളരെ വര്ധിച്ചപ്പോള് ലോകജനതയ്ക്ക് ഒരു ലോകഭാഷ വേണം. ഇത് ഇംഗ്ലീഷിലൂടെ ലഭിക്കുന്നു.
ക്ഷേത്രങ്ങളിലെ പ്രധാന ദിവസങ്ങളില് ഒന്നാണ് ചിങ്ങം ഒന്ന്. തുടര്ന്നുള്ള മാസങ്ങളിലെ വിശേഷദിനങ്ങളില് മാസാരംഭവും ഉള്ക്കൊള്ളുന്നു. കൂടാതെ ക്ഷേത്രോത്സവങ്ങള്, പ്രതിഷ്ഠകള്, വിശേഷദിനങ്ങള്, വിവാഹത്തിനുള്ളതും ചോറൂണിനുള്ളതും ആയ മുഹൂര്ത്തം നോക്കി നിശ്ചയിക്കുമ്പോള് മേടം മുതലുള്ള രാശികള്ക്ക് ഏറെ പ്രാധാന്യമുണ്ട്. ജ്യോതിഷത്തില് തുടക്കം കുറിക്കുന്നത് മേടം മുതലാണ്. 12 രാശികള് മേടം രാശിമുതല് മീനം രാശി വരെ കണക്കാക്കിയിരിക്കുന്നു.
ഇവിടെ ശ്രദ്ധേയമായ കാര്യം മലയാളമാസം പകുതി ആകുമ്പോഴാണ് ഇംഗ്ലീഷ് മാസം ആരംഭിക്കുന്നത്. അതുപോലെ മറിച്ചും. മലയാള മാസം ഒരാഴ്ച കഴിയുമ്പോള് സംസ്കൃതമാസം (ശകവര്ഷം ആരംഭിക്കുന്നു) അതിനാല് ഈ താരതമ്യപഠനം വളരെ രസകരവും പ്രയോജനപ്രദവുമാണ്.
പണ്ടുള്ളവര് പഞ്ചാംഗം ശരിക്കും ഉപയോഗിച്ച് ഈ വസ്തുതകള് മനസ്സിലാക്കിയിരുന്നു. അഞ്ച് അംഗങ്ങളാണ് പഞ്ചാംഗം. നക്ഷ്രത്രം, വാരം (ആഴ്ച) തിഥി (തീയതി) കരണം, യോഗ എന്നിവയാണവ.
പ്രതികരിക്കാൻ ഇവിടെ എഴുതുക: