കോതമംഗലം: കോതമംഗലം ആസ്ഥാനമായി ഒരുകൂട്ടം ചെറുപ്പക്കാര് രൂപം നല്കിയ സേവാകിരണ് ചാരിറ്റബിള് സൊസൈറ്റിയുടെ പ്രവര്ത്തനം മാതൃകാപരവും ശ്ളാഘനീയവുമാണെന്ന് പ്രൊഫ.റിച്ചാര്ഡ് ഹെ എംപി അഭിപ്രായപ്പെട്ടു. സേവാകിരണ് ചാരിറ്റബിള് സൊസൈറ്റിയുടെ കീഴിലുള്ള പ്രഗതി ബാലഭവന്റെ 5-ാമത് വാര്ഷികവും ദീപാവലി സംഗമവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. തമസോമ ജ്യോതിര്ഗമയഎന്ന സന്ദേശം ഉള്ക്കൊള്ളുന്ന ദീപാവലിദിവസം തന്റെ ഇത്തരത്തിലൊരു ചടങ്ങ് സംഘടിപ്പിച്ചത് ശുഭകരമാണ്. സേവാകിരണും പ്രഗതി ബാലഭവനും പ്രവര്ത്തിക്കുന്നത് മാനവസേവ മാധവസേവ എന്ന ആപ്തവാക്യത്തിലധിഷ്ഠിതമായാണ്. സമൂബത്തില് ധാരാളം പണക്കാരുണ്ട്. അവര്ക്കൊന്നും സാധിക്കാത്തതാണ് ഒരുകൂട്ടം ചെറുപ്പക്കാര് സേവാകിരണിലൂടെ പ്രവര്ത്തിച്ച് കാണിച്ചുകൊടുക്കുന്നത്. നമുക്ക് ആര്ഭാടമല്ല ആവശ്യം, ആര്ഭാടങ്ങള്ക്ക് പിന്നാലെപോയപലകുടുംബങ്ങളും തകര്ന്നിട്ടുണ്ട്. ആര്ഭാടത്തിനായി ചെലവഴിക്കുന്നതില് ഒരംശം ജീവകാരുണ്യപ്രവര്ത്തനങ്ങള്ക്കായി നീക്കിവയ്ക്കണം. ഞാന് ഇന്ന് കുട്ടമ്പുഴ പഞ്ചായത്തിലെ ആദിവാസി മേഖല സന്ദര്ശിച്ചു. അവിടുത്തെ ആദിവാസികളുടെ അവസ്ഥ വളരെ പരിതാപകരമാണ്. നമുക്ക് സ്വാതന്ത്ര്യം കിട്ടിയിട്ട് 70 വര്ഷം പൂര്ത്തിയാകുന്നു. എന്നാല് നമ്മുടെ വനവാസികള് ഇന്നും വളരെ ദുരിതത്തിലാണ്.
കഴിഞ്ഞകാല കോണ്ഗ്രസ് സര്ക്കാരുകള് അവര്ക്കായി ഒന്നും ചെയ്തില്ല. അവര് ഇന്നും മൃഗതുല്യമായി ജീവിക്കുന്നു.മാത്രമല്ല, തലമുറകളായി വനങ്ങളില് താമസിച്ചിരുന്ന അവര് ഇന്ന് അവരുടെ വാസസ്ഥലത്തുനിന്ന് പുറത്തായിരിക്കുന്നു. ഇപ്പോള് സ്വന്തമായി സ്ഥലം പോലുമില്ലാത്ത അവസ്ഥയാണ്. കാടുകളില് ബുദ്ധിമുട്ടനുഭവിക്കുന്ന ഇവര്ക്ക്വേണ്ടി സര്ക്കാര്യാതൊന്നും ചെയ്തില്ല. ആദിവാസികളുടെ ഭൂമി അവര്ക്ക് അവകാശപ്പെട്ടതാണ്. അത് തട്ടിയെടുക്കരുതെന്ന് പ്രധാനമന്ത്രി പറഞ്ഞിട്ടുണ്ട്. ആദിവാസികളെ എല്ലാവരും സംരക്ഷിക്കണം. അവര് ഇപ്പോഴും വെള്ളവും വെളിച്ചവും ലഭ്യമല്ലാത്ത വിവിധ സാഹചര്യങ്ങളില് ജീവിക്കുന്നു. ഇവര് വാസസ്ഥലങ്ങളില്നിന്ന് ആട്ടിയോടിക്കപ്പെടുന്നു. ലോകത്തിലെ ഏറ്റവും വലിയ ജനാധിപത്യരാജ്യമായ ഭാരതം 5000 വര്ഷത്തിലേറെ പഴക്കമുള്ള സാംസ്കാരിക രാജ്യംകൂടിയാണ്. #േമഹത്തായ പ്രവര്ത്തനം നടത്തുന്ന സേവാകിരണ് പോലുള്ള നിരവധി സംഘടനകള് ഉണ്ടാകണമെന്നും അദ്ദേഹം പറഞ്ഞു.
രാജ്യത്തിന്റെ അതിര്ത്തികാക്കുന്ന സുരക്ഷാഭടന്മാര്ക്കായി ദീപാവലി സമര്പ്പിച്ച് സന്ദേശമയക്കാനുള്ള പ്രധാനമന്ത്രിയുടെ സന്ദേശവു വളരെ പ്രസക്തമാണെന്നും പ്രധാനമന്ത്രിയ്ക്ക് എല്ലാവിഭാഗം ജനങ്ങളുടെ പിന്തുണയുണ്ടാകും. സേവാകിരണ് ചാരിറ്റബിള് സൊസൈറ്റിയുടെ കീഴിലുള്ള തൃക്കാരിയൂര് പ്രഗതി ബാലഭവന്റെ അഞ്ചാമത് വാര്ഷികവും ദീവാവലി കുടുംബസംഗമവും വര്ണ്ണാഭമായി. ദീപാവലിയെ വരവേറ്റ് നൂറുകണക്കിന് കുട്ടികളുംസ്ത്രീകളും ചേര്ന്ന് നിലവിളക്കും മണ്ചിരാതുമായി ദീപം തെളിച്ചും മധുരപലഹാരം കൈമാറിയുമാണ് ആഘോഷിച്ചത്.
വിവിധ മേഖലയിലെ മികച്ച പ്രവര്ത്തനങ്ങള്ക്ക് സേവാകിരണിന്റെ ഈവര്ഷത്തെ സേവാകീര്ത്തി പുരസ്കാരം പ്രൊഫ.റിച്ചര്ഡ് ഹെ എംപി അഡ്വ.സീമന്തിനി(ശ്രീനാരായണ സേവിക സമാജം ആലുവ), ജി.വി.ദേവദാസ്(ചെയര്മാന്നാഗാര്ജ്ജുന), എസ്.രാമനുണ്ണി(വനവാസി വികാസ് കേന്ദ്രം) എന്നിവരെ പൊന്നാട അണിയിച്ച് ആദരിച്ച് പുരസ്കാരം വിതരണം ചെയ്തു. പ്രഗതി ബാലഭവന് സെക്രട്ടറി കെ.എന്.ജയചന്ദ്രന് സ്വാഗതവും പ്രസിഡന്റ് സുരേഷ് മാങ്കുളം നന്ദിയും പറഞ്ഞു. ദീപാവലി സേവാ നിധി സമര്പ്പണവും കുട്ടികളുടെ വിവിധ കലാപരിപാടിയും ഭജനയും ഉണ്ടായിരുന്നു.
പ്രതികരിക്കാൻ ഇവിടെ എഴുതുക: