ഭഗവാന്റെ സന്തോഷത്തിനുവേണ്ടി ഭഗവാന്റെ ആജ്ഞ അനുസരിച്ച്, കര്മ്മത്തിന്റെ ഫലം ഭഗവാനില് സമര്പ്പിച്ച് ഭക്തിയോഗി ഒരു കര്മ്മം ചെയ്യുന്നു. അയാള് ശ്രീകൃഷ്ണനില് ആസക്തനാണ്. കര്മ്മഫലത്തില് ആസക്തിയില്ല. കൃഷ്ണനില്നിന്ന് ഉദ്ഭൂതമായ ഈ പ്രപഞ്ചത്തിലെ സര്വവസ്തുക്കളും ഭഗവാനുമായി ബന്ധപ്പെട്ടുകിടക്കുന്നു എന്നറിയുന്ന ഭക്തന്റെ സര്വപ്രവൃത്തികളും ഭഗവാനോടു ബന്ധപ്പെട്ടതാകയാല് ഭക്തന് പൂര്ണ ശാന്തി കൈവരിക്കാം.
അയുക്തന്- ഭഗവാനുമായി ഒരുതരത്തിലും ബന്ധപ്പെടാത്തവന്, കര്മ്മങ്ങള് ഈശ്വരപ്രീതിക്കുവേണ്ടിയാണ് ചെയ്യേണ്ടതെന്ന് അറിയാത്തവന്, ഇന്ദ്രിയങ്ങളുടെ തൃപ്തിക്കുവേണ്ടി ഫലകാംക്ഷിയോടെ കര്മ്മം ചെയ്യുന്നവന് ജനന മരണ രൂപമായ ബന്ധനത്തില് കുടുങ്ങുന്നു.
ഭക്തിയോഗിയും അല്ലാത്തവനും ജോലിചെയ്യുന്നതും ധനം സമ്പാദിക്കുന്നതും കാണാം. ഇതെല്ലാം ഭഗവാന്റേതാണ് എന്ന അവബോധമുള്ള ഭക്തന് ഭഗവാന് ആരാധനയായി ധനം സമര്പ്പിക്കുന്നു. ആ അവബോധമില്ലാത്ത സാധാരണക്കാരന് ആ ധനം മുഴുവന്, എനിക്കുവേണ്ടിയും ഭാര്യാദികള്ക്കുവേണ്ടിയും ചെലവഴിക്കുന്നു. ധനം സമ്പാദിക്കുക എന്ന ഒരേ കര്മ്മം ഭക്തനെ അശാന്തിയില് ആഴ്ത്തുന്നു.
ശുദ്ധചിത്തന് കര്തൃത്വഭാവം ഉപേക്ഷിക്കുന്നു
അശുദ്ധചിന്തന്- ആഗ്രഹമാകുന്ന മാലിന്യമുള്ളവന്- സംന്യാസത്തേക്കാള് ശ്രേഷ്ഠവും എളുപ്പവും കര്മ്മയോഗമാണ്. ഭഗവാന് ആരാധനയായി കര്മങ്ങള് ചെയ്യുകയാണ് എന്നുപറഞ്ഞു. എന്നാല് ശുദ്ധചിത്തന് കര്മ്മങ്ങളുടെ കര്തൃത്വഭാവം ഉപേക്ഷിക്കുന്നതാണ് ശ്രേയസ്കരം എന്ന് പറയുന്നു.
കാരണം അവന് ചിത്തത്തെ നിയന്ത്രിക്കാന് കഴിയുന്നു. കര്മ്മങ്ങള് ചെയ്യുന്നത് ജ്ഞാനകര്മ്മേന്ദ്രിയങ്ങള്കൊണ്ടാണല്ലോ, അവ ദേഹത്തിന്റെ ഭാഗമാണ്. താന്, ജീവാത്മാവ് എന്ന നിലയില് ദേഹത്തിന്റെ ഭാഗമല്ല, പരമാത്മാവിന്റെ-ഭഗവാന്റെ അംശമാണ്. ദേഹം ഭഗവാന്റെ പ്രകൃതിയാല് നിര്മ്മിതമാണ്. പൊതുകവാടങ്ങളുള്ള ഗൃഹം വാടകക്ക് വാങ്ങി താമസിക്കുന്ന മനുഷ്യനെപ്പോലെ, ജീവാത്മാവ് ഇന്ദ്രിയകര്മ്മങ്ങളുടെ ദേഹ്യമാകുന്ന പുരത്തില് സുഖമായി താമസിക്കുന്നു. ഗൃഹം വെള്ളപൂശാനോ, അറ്റകുറ്റപ്പണികള് നടത്താനോ വാടകക്ക് താമസിക്കുന്നവന് ഉത്തരവാദിത്തമില്ല. വീട് താമസിക്കാന് കൊള്ളാതായാല് മറ്റൊരു വീട്ടിലേക്കു താമസം മാറ്റാം. മരണാനന്തരം ജീവന് മറ്റൊരു ദേഹമാകുന്ന ഗൃത്തില് സുഖമായി താമസിക്കാം.
പ്രതികരിക്കാൻ ഇവിടെ എഴുതുക: