കണ്ണൂര്: ജില്ലയിലെ എല്ലാ പോലീസ് സ്റ്റേഷനുകളും സമ്പൂര്ണ്ണ ശുചിത്വ കേന്ദ്രങ്ങളാക്കി സംരക്ഷിക്കാന് എസ്പി നിര്ദ്ദേശം നല്കി. രാവിലെ 11ന് മുമ്പായി ശുചീകരണം പൂര്ത്തിയാക്കണമെന്നാണ് ഉത്തരവില് പറയുന്നത്. ഓരോ ദിവസവും സ്റ്റേഷനിലെ ഓരോ ഭാഗങ്ങളായാണ് ശുചീകരിക്കേണ്ടത്. പോലീസ് സ്റ്റേഷന്റെ പ്രവേശന കവാടം, സന്ദര്ശക മുറി, അലമാരകള്, ലോക്കപ്പ്, സെല് കര്ട്ടന്സ്, ടോയ്ലറ്റ്, ബാത്ത് റൂം തുടങ്ങി ഓരോ ദിവസവും ശുചിയാക്കേണ്ട ലിസ്റ്റ് വ്യക്തമാക്കിയാണ് ഉത്തരവ് പുറപ്പെടുവിച്ചത്. ഇതിന്റെ സര്ക്കുലര് അതാത് സ്റ്റേഷന് മേധാവികള്ക്കും നല്കിയിട്ടുണ്ട്.
ശുചീകരണം പൂര്ത്തിയാക്കിയതിന്റെ ഫോട്ടോ ഉച്ചക്ക് 12ന് മുമ്പ് എസ്പിക്ക് അയച്ചുകൊടുക്കുകയും വേണം. മാത്രമല്ല, ഓരോ സ്റ്റേഷനിലേക്കും അടിസ്ഥാന സൗകര്യങ്ങള് ഒരുക്കുന്നതിനുവേണ്ട ഫണ്ടും അനുവദിക്കും. അതിന് മുന്ഗണനാക്രമത്തിലുള്ള റിപ്പോര്ട്ട് അതാത് പോലീസ്റ്റേഷന് എസ്ഐമാര് പോലീസ് മേധാവിക്ക് നല്കണം.
പ്രതികരിക്കാൻ ഇവിടെ എഴുതുക: