കണ്ണൂര്: നവകേരളം കലാ സാംസ്കാരിക ജനകീയ വികസന വേദിയുടെ നവകേരളം പുരസ്കാരങ്ങള് പ്രഖ്യാപിച്ചു. നീലേശ്വരം നഗരസഭാധ്യക്ഷന് പ്രൊഫ.കെ.പി.ജയരാജന്, സാഹിത്യകാരനും കവിയും പരിസ്ഥിതി സംരക്ഷണ പ്രവര്ത്തകനും ഗാന്ധിയനുമായ ശ്രീമണ് നാരായണന്, ചലചിത്ര സംവിധായകന് സലീം അഹമ്മദ്, സംഗീത സംവിധായകന് കാഞ്ഞങ്ങാട് രാമചന്ദ്രന് എന്നിവരാണ് വിവിധ മേഖലകളിലെ പ്രതിഭാ പുരസ്കാരങ്ങള്ക്ക് അര്ഹരായത്.
ചലച്ചിത്ര നിര്മ്മാതാവ് പി.വി.ഗംഗാധരന്, ഹ്യൂമന് റൈറ്റ്സ് ഫൗണ്ടേഷന് (ഡല്ഹി) നാഷണല് വൈസ് ചെയര്മാന് ഡോ.ഷാഹുല് ഹമീദ്, സാഹിത്യകാരി കെ.പി.സുധീര എന്നിവരടങ്ങിയ ജൂറിയാണ് പുരസ്കാര ജേതാക്കളെ തെരഞ്ഞെടുത്തത്.
പതിനായിരം രൂപയും ശില്പവും പ്രശസ്തി പത്രവുമടങ്ങിയ അവാര്ഡ് 26ന് വൈകുന്നേരം 5 മണിക്ക് കണ്ണൂരിലെ സ്റ്റാര് ഇന് റസിഡന്സി ഓഡിറ്റോറിയത്തില് മന്ത്രി രാമചന്ദ്രന് കടന്നപ്പള്ളി സമ്മാനിക്കുമന്ന് ചെയര്മാന് എം.ടി.പ്രകാശും ജനറല് കണ്വീനര് സി.കെ.സദാനന്ദനും പത്രക്കുറിപ്പില് അറിയിച്ചു.
പ്രതികരിക്കാൻ ഇവിടെ എഴുതുക: