തളിപ്പറമ്പ്: കേരള സ്റ്റേറ്റ് ഭാരത് സ്കൗട്സ് ആന്ഡ് ഗൈഡ്സ് തളിപ്പറമ്പ് ജില്ല അസോസിയേഷനിലെ സ്കൗട്ട് ഗൈഡ് വിദ്യാലയം, ഹരിത വിദ്യാലയം പദ്ധതിയുടെ ജില്ലാതല ഉദ്ഘാടനം തളിപ്പറമ്പ് സൗത്ത് ലോക്കല് അസോസിയേഷനിലെ കയരളം എയുപി സ്ക്കൂളില് നടന്നു. സ്കൗട്ട് വിഭാഗം ജില്ലാ കമ്മീഷണര് പി.വി.വത്സന് മാസ്റ്ററുടെ അദ്ധ്യക്ഷതയില് മയ്യില് ഗ്രാമപഞ്ചായത്തംഗം എം.രവി മാസ്റ്റര് ഉദ്ഘാടനം ചെയ്തു. നടീല് വസ്തുക്കള് സ്കൗട്ട് ഗൈഡ് കുട്ടികള്ക്ക് കൊളച്ചേരി, മയ്യില് കൃഷി ഓഫീസര് പി.കെ.രാധാകൃഷ്ണന് കൈമാറി.
നാട് ജൈവ കൃഷിയിലേക്ക് മാറുന്ന കാലഘട്ടത്തില് സ്കൗട്ട് ഗൈഡ് പ്രസ്ഥാനത്തിന് ഈ മേഖലയില് ഏറെ കാര്യങ്ങള് ചെയ്യാനുണ്ടെന്നും തദ്ദേശ സ്വയം ഭരണ സ്ഥാപനങ്ങള് ഇതിനായി ഏറെ പ്രോത്സാഹനങ്ങള് നല്കുമെന്നും പരിപാടി ഉദ്ഘാടനം ചെയ്തു സംസാരിച്ച രവി മാസ്റ്ററും കൃഷി ഓഫീസറും പറഞ്ഞു.
കയരളം യപി സ്ക്കൂള് പരിസരിത്ത് ഒരുക്കിയ കൃഷി സ്ഥലത്ത് സ്കൗട്ടുകളും ഗൈഡുകളും ജില്ലാ ഭാരവാഹികളും കയരളം സ്ക്കൂള് അദ്ധ്യാപകരും ചേര്ന്ന് നടീല് വസ്തുക്കള് നട്ടു പിടിപ്പിച്ചു. സ്ക്കൂള് പ്രധാനാദ്ധ്യാപിക എം.എം.വനജകുമാരി, ജില്ലാ ഓര്ഗനൈസിങ് കമ്മീഷണര് (സ്കൗട്സ്) കെ.വി.ബാലകൃഷ്ണന്, ജില്ലാ ഓര്ഗനൈസിങ് കമ്മീഷണര് (ഗൈഡ്സ്) കെ.സി.സതി, ജില്ലാ ട്രെയിനിങ് കമ്മീഷണര് (ഗൈഡ്സ്) ലത ജി നായര്, കെ.സി.സതി എന്നിവര് സംസാരിച്ചു. അസിസ്റ്റന്റ് കൃഷി ഓഫീസര് ദീപ, കൃഷി ഫീല്ഡ് അസിസ്റ്റന്റ് നിത്യ എന്നിവര് സന്നിഹിതരായിരുന്നു. ജില്ലാ സെക്രട്ടറി എം.ആര്.മണി ബാബു സ്വാഗതവും തളിപ്പറമ്പ് സൗത്ത് ലോക്കല് അസോസിയേഷന് സെക്രട്ടറി കെ.സുധാദേവി നന്ദിയും പറഞ്ഞു. ജില്ലയിലെ എല്ലാ യൂണിറ്റുകളിലും ജൈവ പച്ചക്കറി കൃഷി പ്രോത്സാഹിപ്പിക്കാന് വേണ്ട നടപടികള് ആരംഭിച്ചു കഴിഞ്ഞു.
പ്രതികരിക്കാൻ ഇവിടെ എഴുതുക: