ലക്നൗ: ഉത്തര്പ്രദേശിൽ വീണ്ടും ആസിഡ് ആക്രമണം. യുപിയിലെ അലഹബാദിലാണ് സഹോദരിമാരായ മൂന്നു പെണ്കുട്ടികള്ക്കു നേരെ ആസിഡ് ആക്രമണം ഉണ്ടായത്.
മാര്ക്കറ്റില് പോയി മടങ്ങുന്നതിനിടയില് ബൈക്കില് എത്തിയ അക്രമികളാണ് ആക്രമണം നടത്തിയത്. മൂന്നു പേര്ക്കും ഗുരുതരമായി പരിക്കേറ്റിട്ടുണ്ട്. പെണ്കുട്ടികളുടെ നിലവിളി കേട്ട് ഓടിയെത്തിയവരാണ് ഇവരെ ആശുപത്രിയില് എത്തിച്ചത്.
സംഭവവുമായി ബന്ധപ്പെട്ട് അഞ്ചു പേരെ പോലീസ് അറസ്റ്റു ചെയ്തു. പെണ്കുട്ടികളില് ഒരാളോട് പ്രതികള്ളില് ഒരാള്ക്കുള്ള പ്രണയമാണ് ആക്രമണത്തിന് കാരണമെന്ന് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: