ആലപ്പുഴ: ഇക്കോണമിക്സ് ആന്റ് സ്റ്റാറ്റിസ്റ്റിക്സ് ഡിപ്പാര്ട്ടുമെന്റില് പിഎസ്സി റാങ്ക് ലിസ്റ്റ് നിലനില്ക്കെ നടത്തിയ താത്കാലിക നിയമന ഇന്റര്വ്യൂ യുവമോര്ച്ച ജില്ലാ കമ്മറ്റിയുടെ ആഭിമുഖ്യത്തില് തടഞ്ഞു.
ഇന്വെസ്റ്റിഗേറ്റര് ഗ്രേഡ് രണ്ട്, സ്റ്റാറ്റിസ്റ്റിക്സില് അസിസ്റ്റന്റ് ഗ്രേഡ് രണ്ട് തുടങ്ങിയ തസ്തികകളിലേക്ക് പിഎസ്സി റാങ്ക് ലിസ്റ്റ് നിലനില്ക്കെ അതില് നിന്നും ഒരാളെ പോലും നിയമിക്കാതെ താത്കാലിക അടിസ്ഥാനത്തില് നിയമനം നടത്തുന്നതിനായി ആലപ്പുഴ കല്ലുപാലത്തിനു സമീപമുള്ള സാമ്പത്തിക സ്ഥിതി വിവര വകുപ്പിന്റെ ജില്ലാ ഓഫീസില് നടത്തിയ ഇന്റര്വ്യൂവാണ് തടഞ്ഞത്. യുവമോര്ച്ച ജില്ലാ ജനറല് സെക്രട്ടറിമാരായ എച്ച്. ഹര്ഷന്, അജി ആര്. നായര്, സംസ്ഥാന സമിതിയംഗം ശ്രീരാജ് ശ്രീവിലാസം, ജില്ലാ സെക്രട്ടറി പ്രമോദ് കാരയ്ക്കാട്, ബിജെപി അമ്പലപ്പുഴ മണ്ഡലം ഭാരവാഹികളായ ബാബുരാജ്, ആര്. കണ്ണന് എന്നിവര് നേതൃത്വം നല്കി.
ഇന്റര്വ്യൂ പ്രഹസനമാണെന്നും ഭരണ വര്ഗ്ഗത്തിന്റെ പിണിയാളുകളെ തിരുകിക്കയറ്റാനുള്ള ഗൂഢശ്രമമാണ് ഇതിനു പിന്നിലെന്നും ചിറ്റപ്പന് നിയമനങ്ങള്ക്കെതിരെ ശക്തമായ സമര പരിപാടികളുമായി മുന്നോട്ടുപോകുമെന്നും യുവമോര്ച്ച ജില്ലാ പ്രസിഡന്റ് എസ്. സാജന് അറിയിച്ചു
പ്രതികരിക്കാൻ ഇവിടെ എഴുതുക: