കണ്ണൂര്: ജോയിന്റ് കൗണ്സില് ഓഫ് സ്റ്റേറ്റ് സര്വീസ് ഓര്ഗനൈസേഷന് നാല്പതാം സംസ്ഥാനസമ്മേളനം 24 മുതല് 27 വരെ ആലപ്പുഴയില് നടക്കുന്നതിന് മുന്നോടിയായുള്ള ജില്ലാസമ്മേളനം ഒമ്പത്, പത്ത് തിയ്യതികളില് കണ്ണൂരില് നടക്കും. ഒമ്പതിന് രാവിലെ 10 മണിക്ക് കെ വത്സരാജ് നഗറില് (ജവഹര് ലൈബ്രറി ഹാള്) സിപിഐ ദേശീയ സെക്രട്ടറിയേറ്റ് മെമ്പര് പന്ന്യന് രവീന്ദ്രന് പൊതുസമ്മേളനം ഉദ്ഘാടനം ചെയ്യുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. ഉച്ചക്ക് 12 മണിക്ക് പ്രകടനവും തുടര്ന്ന് ഒരു മണിക്ക് വനിതാ സമ്മേളനവും നടക്കും. കേരള മഹിളാസംഘം സംസ്ഥാന ജോയിന്റ് സെക്രട്ടറി എന്.ഉഷ ഉദ്ഘാടനം ചെയ്യും. പത്തിന് പൊലീസ് സഹകരണ ഓഡിറ്റോറിയത്തില് നടക്കുന്ന പ്രതിനിധിസമ്മേളനം കാലത്ത് ഒമ്പതരക്ക് സിപിഐ ജില്ലാ സെക്രട്ടറി അഡ്വ പി.സന്തോഷ്കുമാര് ഉദ്ഘാടനം ചെയ്യും. വാര്ത്താസമ്മേളനത്തില് സ്വാഗതസംഘം ചെയര്മാന് കൊറ്റിയത്ത് സദാനന്ദന്, സംസ്ഥാന സെക്രട്ടറിയേറ്റ് മെമ്പര് സി.ഗിരീശന്, സംസ്ഥാന കമ്മിറ്റിയംഗം ബി.ജി.ധനഞ്ജയന്, ജില്ലാ സെക്രട്ടറി നാരായണന് കുഞ്ഞിക്കണ്ണോത്ത്, പ്രസിഡന്റ് ടി.വി. നാരായണന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: