വൈക്കം: ചരിത്ര പ്രസിദ്ധമായ വൈക്കത്തഷ്ടമി മഹോത്സവത്തിന്റെ ഭാഗമായ കൊടിയേറ്റ് അറിയിപ്പ് ഇന്ന് നടക്കും. നാളെ രാവിലെ 6.45നും 8.45നും മദ്ധ്യേയുള്ള ശുഭമുഹൂര്ത്തത്തില് കൊടിയേറ്റ് നടക്കും. ഭദ്രകാളി മറ്റപ്പള്ളി മനയ്ക്കല് നാരായണന് നമ്പൂതിരിപ്പാട്, കിഴക്കിനിയേടത്ത് മേക്കാട്ട് മനയ്ക്കല് നാരായണന് നമ്പൂതിരിപ്പാട് എന്നിവര് മുഖ്യകാര്മ്മികത്വം വഹിക്കും. പതിനാറിന് രാത്രി 11മുതലാണ് പ്രശസ്തമായ ഋഷഭവാഹനം എഴുന്നള്ളിപ്പ്. അഷ്ടമിദര്ശനം 21ന് രാവിലെ 4.30ന് നടക്കും. 10ന് രാവിലെ കൊടീക്കീഴില് ഭദ്രദീപം ദേവസ്വം കമ്മീഷണര് രാമരാജ പ്രേമപ്രസാദ് തെളിയിക്കും. കലാമണ്ഡപങ്ങളില് ഭദ്രദീപം കറുപ്പസ്വാമി ആര്ഐപിഎസ് തെളിയിക്കും. രാത്രി 9ന് കൊടിപ്പുറത്തുവിളക്ക്.
എല്ലാദിവസവും രാവിലെ ശ്രീബലിയും കാഴ്ച്ചശ്രീബലിയും പൂത്താലം വരവും നടക്കും. 13ന് രാത്രി 10ന് വിളക്ക്. 14ന് ഉച്ചയ്ക്ക് 1ന് ഉത്സവബലിദര്ശനം, 10ന് വിളക്ക്. 15ന് ഉച്ചക്ക് 1ന് ഉത്സവബലിദര്ശനം, രാത്രി 10ന് വിളക്ക.് 16ന് രാത്രി 11ന് ഋഷഭവാഹനം എഴുന്നള്ളിപ്പ്. 17ന് ഉച്ചക്ക് 1ന് ഉത്സവബലിദര്ശനം, വെളുപ്പിന് 5ന് വിളക്ക് വടക്കും ചേരിമേല് എഴുന്നള്ളിപ്പ്. 18ന് രാവിലെ 8ന് ഗജപൂജ, വൈകിട്ട് 4ന് ആനയൂട്ട്, 4.30ന് കാഴ്ച്ചശ്രീബലി, വെളുപ്പിന് 5ന് വിളക്ക്, തെക്കുംചേരിമേല് എഴുന്നെള്ളിപ്പ്. 19ന് രാത്രി 11ന് വലിയവിളക്ക്, 1ന് വെടിക്കെട്ട്. 20ന് ഉച്ചക്ക് 2ന് ഉത്സവബലിദര്ശനം, രാത്രി 12ന് വിളക്ക്.
21ന് വൈക്കത്തഷ്ടമി, വെളുപ്പിന് 4.30ന് അഷ്ടമി ദര്ശനം, ഉച്ചക്ക് 1ന് ഓട്ടന്തുള്ളല്, വൈകിട്ട് 6ന് ഹിന്ദുമത കണ്വന്ഷന് ഹൈക്കോടതി ജസ്റ്റീസ് എ. ഹരിപ്രസാദ് ഉദ്ഘാടനം ചെയ്യും. രാത്രി 11ന് ഉദയനാപുരത്തപ്പന്റെ വരവ്, 2ന് അഷ്ടമി വിളക്ക്, വലിയകാണിക്ക, വെടിക്കെട്ട്, 3.30ന് ഉദയനാപുരത്തപ്പന്റെ യാത്രയയപ്പ്. 22ന് വൈകിട്ട് 6ന് ആറാട്ട് എഴുന്നള്ളിപ്പ്, രാത്രി 10ന് കൂടിപ്പൂജവിളക്ക്. കലാമണ്ഡപത്തില് എഴാം ഉത്സവദിനമായ 16ന് ചലച്ചിത്ര-ടിവിതാരം കൃഷ്ണപ്രഭയുടെ ഡാന്സ്, രാത്രി 9.30ന് വൈക്കം വിജയലക്ഷ്മിയുടെ ഭക്തിഗാനം. പതിനൊന്നാം ഉത്സവദിനമായ 20ന് രാത്രി 7മുതല് ഡോ. മേതില് ദേവികയുടെ നൃത്തക്കച്ചേരി. അഷ്ടമിക്ക് രാത്രി 8 മുതല് മല്ലാടി ബ്രദേഴ്സ് നയിക്കുന്ന സംഗീതസദസ്സ് എന്നിവയാണ് കലാമണ്ഡലത്തിലെ പ്രധാന പരിപാടി.
പ്രതികരിക്കാൻ ഇവിടെ എഴുതുക: