തിരുവനന്തപുരം: 500, 1000 രൂപ നോട്ടുകള് അസാധുക്കിയ കേന്ദ്ര നടപടി കള്ളനോട്ടു നിര്മ്മാര്ജ്ജനം ചെയ്യാന് സഹായിക്കുമെന്ന് ധനമന്ത്രി ഡോ. തോമസ് ഐസക്ക്. ആരും പരിഭ്രാന്തരാകണ്ട. ആരുടെയും പണം നഷ്ടപ്പെടുന്ന സാഹചര്യം ഇല്ല. പുതിയ നോട്ടുകളായി അവ മാറ്റിയെടുക്കുന്നതിന് കുറച്ചു സമയമെടുക്കും എന്നേയുള്ളൂ. നിയമസഭയില് പ്രത്യേക പ്രസ്താവന നടത്തുകയായിരുന്നു മന്ത്രി.
നടപടി കള്ളപ്പണവും കള്ളനോട്ടും പുറത്തു കൊണ്ടുവരാനാണെന്ന് കേന്ദ്രസര്ക്കാര് വ്യക്തമാക്കിയിട്ടുണ്ട്. പക്ഷേ, കള്ളപ്പണത്തിന്റെ കാര്യത്തില് ചെറിയൊരു അളവു മാത്രമേ ലക്ഷ്യം കൈവരിക്കാനാവൂ. സംസ്ഥാനത്തിന്റെ സഹകരണമേഖലയില് ഇത് ഉണ്ടാക്കുന്ന അരാജകത്വം വലുതായിരിക്കും. സാധാരണക്കാരെ വല്ലാതെ ബാധിക്കുകയും ചെയ്യും.
കള്ളപ്പണവും കള്ളനോട്ടുകളും ഇല്ലാതാക്കാന് ശക്തമായ നടപടികള് സ്വീകരിക്കണമെന്നു തന്നെയാണ് സംസ്ഥാനസര്ക്കാരിന്റെ അഭിപ്രായം. എന്നാല് ഇതിനായി ഇപ്പോള് സ്വീകരിച്ച നടപടി കുറേക്കൂടി ചിട്ടയായും ജനങ്ങള്ക്ക് ബുദ്ധിമുട്ടുണ്ടാക്കാതെയും നടപ്പാക്കാന് കഴിയേണ്ടതായിരുന്നു.
ഇപ്പോള് സ്വീകരിച്ചിരിക്കുന്ന നടപടി ജനങ്ങള്ക്കു ബുദ്ധിമുട്ട് ഉണ്ടാക്കുക മാത്രമല്ല, സാമ്പത്തിക തിരിച്ചടിയും ഉണ്ടാക്കും. പണത്തിന്റെ ലഭ്യത കുറയുന്നതും ഡിസംബര് 30 വരെ സാധാരണഗതിയിലുള്ള ക്രയവിക്രയം കുറയുന്നതും സാമ്പത്തികമാന്ദ്യത്തെ രൂക്ഷമാക്കും. തോമസ് ഐസക്ക് പറഞ്ഞു.
പ്രതികരിക്കാൻ ഇവിടെ എഴുതുക: