പയ്യന്നൂര്: പയ്യന്നൂരില് കഴിഞ്ഞ രണ്ടു ദിവസമായി നടന്നുവന്ന റവന്യൂ ജില്ലാ ശാസ്ത്രോത്സവം സമാപിച്ചു. ഇന്നലെ വൈകുന്നേരം നടന്ന സമാപനസമ്മേളനം നഗരസഭാ വൈസ് ചെയര്മാന് കെ.പി.ജ്യോതിയുടെ അധ്യക്ഷതയില് ടി.വി.രാജേഷ് എംഎല്എ ഉദ്ഘാടനം ചെയ്തു. സംഘാടക സമിതി ജനറല് കണ്വീനും വിദ്യാഭ്യാസ ഡപ്യൂട്ടി ഡയറക്ടരുമായ എം.ബാബുരാജന്, സഞ്ജീവന്, വി.നന്ദകുമാര്, ടി.എസ്.രാമചന്ദ്രന് മാസ്റ്റര് തുടങ്ങിയവര് സംസാരിച്ചു.
ശാസ്ത്രോത്സവത്തോടനുബന്ധിച്ച് വൊക്കേഷണല് വിദ്യാര്ത്ഥികളെ പങ്കെടുപ്പിച്ച് കണ്ണൂര്, കാസര്കോട് ജില്ലകള് ഉള്പ്പെടുന്ന പയ്യന്നൂര് മേഖലാതല വൊക്കേഷണല് എക്സ്പോയും നടന്നു . മേഖലയിലെ 41 വൊക്കേഷണല് ഹയര് സെക്കന്ഡറി സ്കൂളുകളില് നിന്നായി 200 ലധികം വിദ്യാര്ത്ഥികള് എക്സ്പോയില് പങ്കെടുത്തു. പഠനത്തിന്റെ ഭാഗമായി നിര്മ്മിച്ച ഉല്പ്പന്നങ്ങളുടെയും സേവനങ്ങളുടെയും പ്രദര്ശനവും വില്പനയും എക്സ്പോയില് ഉണ്ടായിരുന്നു. സ്റ്റേഡിയത്തില് ഒരുക്കിയ 50 സ്റ്റാളുകളിലായാണ് എക്സപോ നടന്നത്. പയ്യന്നൂര് ഗവ.ബോയ്സ് ഹൈസ്കൂള്, ഗവ.ഗേള്സ് ഹയര് സെക്കന്ഡറി സ്കൂള്, കണ്ടങ്കാളി ഷേണായി സ്മാരക ഗവ. ഹയര് സെക്കന്ഡറി സ്കൂള്, ബിഇഎംഎല്പി സ്കൂള്, സെന്റ് മേരീസ് ഗേള്സ് ഹൈസ്കൂള് എന്നിവിടങ്ങളിലായാണ് ശാസ്ത്രോത്സവം നടന്നത്.
മേളയില് 15 ഉപജില്ലകളില് നിന്നായി 10,000 ഓളം വിദ്യാര്ത്ഥികളും 300 അധ്യാപക മത്സരാര്ത്ഥികളും 2000 ഓളം എസ്കോര്ട്ടിങ് അധ്യാപകരും പങ്കെടുത്തു. ശാസ്ത്രമേള, ഗണിത ശാസ്ത്രമേള, സാമൂഹിക ശാസ്ത്രമേള, പ്രവര്ത്തി പരിചയമേള, ഐടി മേളകളിലെല്ലാം വൈവിദ്യങ്ങളായ പ്രോജക്ടുകള് അവതരിപ്പിച്ചു.
പ്രതികരിക്കാൻ ഇവിടെ എഴുതുക: