കൊച്ചി: യുവ വ്യവസായിയെ ഭീഷണിപ്പെടുത്തി തട്ടിക്കൊണ്ടുപോയ കേസിലെ പ്രതിയായ സിപിഎം നേതാവും കളമശേരി മുന് ഏരിയാ സെക്രട്ടറിയുമായ സക്കീര് ഹുസൈന് ഒരാഴ്ചയ്ക്കകം അന്വേഷണ ഉദ്യോഗസ്ഥന് കീഴടങ്ങണമെന്ന് ഹൈക്കോടതി ഉത്തരവിട്ടു. ഹുസൈന്റെ മുന്കൂര് ജാമ്യാപേക്ഷ തള്ളിക്കൊണ്ടാണ് ഹൈക്കോടതി ഉത്തരവ്.
സക്കീര് ഹുസൈന്റെ മുന്കൂര് ജാമ്യാപേക്ഷയെ സര്ക്കാര് ശക്തമായി എതിര്ത്തു. സക്കീറിനെ കസ്റ്റഡിയില് ചോദ്യം ചെയ്യേണ്ടത് അത്യാവശ്യമാണെന്നും നിരവധി കേസുകളില് പങ്കുള്ള ഇയാള്ക്ക് മുന്കൂര് ജാമ്യം നല്കരുതെന്നുമായിരുന്നു സര്ക്കാരിന്റെ നിലപാട്.
നേരത്തെ കീഴ് കോടതിയും സക്കീറിന്റെ മുന്കൂര് ജാമ്യഹര്ജി തള്ളിയിരുന്നു.
പ്രതികരിക്കാൻ ഇവിടെ എഴുതുക: