കൊല്ലം: ഓട്ടോറിക്ഷയില് കറങ്ങിനടന്ന് കഞ്ചാവ് കച്ചവടം ചെയ്യുകയായിരുന്ന ഒരാളെ 70 പൊതി കഞ്ചാവുമായി അറസ്റ്റ് ചെയ്തു. തിരുവനന്തപുരം വര്ക്കല സ്വദേശിയും ഇപ്പോള് കൊല്ലം പാരിപ്പള്ളി കടമ്പാട്ടുകോണത്ത് എന്എച്ച് പുറമ്പോക്കില് റോഡുവിള വീട്ടില് മണികണ്ഠന് (53) എന്നയാളിനെയാണ് അറസ്റ്റ് ചെയ്തത്. ഓട്ടോടാക്സിയുടെ മറവില് കഞ്ചാവ് ചെറുപൊതികളിലാക്കി പാരിപ്പള്ളി, കല്ലുവാതുക്കല് പ്രദേശങ്ങളിലാണ് പ്രതി വില്പ്പന നടത്തുന്നത്. പ്രതി വര്ഷങ്ങളായി പിടിക്കപ്പെടാതെ കഞ്ചാവ് കച്ചവടം നടത്തകയായിരുന്നു. പ്രതിയില്നിന്നും കഞ്ചാവ് വാങ്ങുന്നവരെപ്പറ്റി എക്സൈസിന് സൂചന ലഭിച്ചു. പ്രതിക്ക് കഞ്ചാവ് നല്കുന്നവരെപ്പറ്റി അന്വേഷണം നടത്തിവരികയാണെന്നും ഇതിനായി ഷാഡോസംഘത്തെ നിയോഗിച്ചതായും എക്സൈസ് സിഐ വി.രാജേഷ് പറഞ്ഞു. റെയ്ഡില് ഇന്സ്പെക്ടര്മാരായ ജെ.പി.ആന്ഡ്രൂസ്, വിജയന്, അസി. ഇന്സ്പെക്ടര്മാരായ ബാലചന്ദ്രകുമാര്, ഫ്രാന്സിസ് ബോസ്കോ, പ്രിവന്റീവ് ഓഫീസര്മാരായ നിഷാദ്, ഷിബു പാപ്പച്ചന്, സിവില് എക്സൈസ് ഓഫീസര്മാരായ സുരേഷ് ബാബു, ബിജുമോന്, സതീഷ് ചന്ദ്രന്, രാജു, രഞ്ജിത്, ദിലീപ് എന്നിവരും പങ്കെടുത്തു
പ്രതികരിക്കാൻ ഇവിടെ എഴുതുക: