ന്യൂദല്ഹി: 1000, 500 നോട്ടുകള് പിന്വലിച്ച കേന്ദ്രസര്ക്കാര് നടപടിക്ക് എതിരായ ഹര്ജി സുപ്രീംകോടതി ഇന്ന് പരിഗണിക്കും. ചീഫ് ജസ്റ്റിസ് ടി.എസ്. ഠാകുര്, ജസ്റ്റിസ് ഡി.വൈ. ചന്ദ്രചൂഡ് എന്നിവരടങ്ങിയ ബെഞ്ചാണ് ഹര്ജി പരിഗണിക്കുന്നത്.
സര്ക്കാര് തീരുമാനം ജനങ്ങള്ക്ക് ദുരിതം സമ്മാനിക്കുന്നുവെന്നും കേന്ദ്രത്തിന്റെ ഉത്തരവ് കുറച്ചുദിവസത്തേക്ക് റദ്ദാക്കണമെന്ന് ആവശ്യപ്പെട്ട് ഉത്തര്പ്രദേശ് സ്വദേശിയും അഭിഭാഷകനുമായ സംഗംലാല് പാണ്ഡെയാണ് സുപ്രീംകോടതിയെ സമീപിച്ചത്.
അതേസമയം ഹര്ജിയില് ഉത്തരവ് പുറപ്പെടുവിക്കുന്നതിന് മുമ്പ് തങ്ങളുടെ വാദം കേള്ക്കണമെന്ന് ആവശ്യപ്പെട്ട് കേന്ദ്രസര്ക്കാര് സുപ്രീം കോടതിയില് തടസ്സഹര്ജി ഫയല് ചെയ്തിട്ടുണ്ട്. കേന്ദ്രസര്ക്കാരിന് വേണ്ടി അറ്റോര്ണി ജനറലും, ഹര്ജിക്കാര്ക്ക് വേണ്ടി കപില് സിബലുമാകും കോടതിയില് ഹാജരാവുക.
പ്രതികരിക്കാൻ ഇവിടെ എഴുതുക: