കോട്ടയം: കോട്ടയം ജില്ലയിലെ പലഭാഗത്തും അക്രമം അഴിച്ചുവിട്ട് മറ്റൊരു കണ്ണൂരാക്കാനുള്ള ശ്രമം സിപിഎമ്മിന്റെ ഭാഗത്തുനിന്നും ആസൂത്രിതമായി നടന്നുവരുന്നുവെന്ന് ബിജെപി ജില്ലാ പ്രസിഡന്റ് എന്.ഹരി പറഞ്ഞു.
കെ.ടി.ജയകൃഷ്ണന് മാസ്റ്റര് ബലിദാനദിനം ജില്ലയില് ആചരിക്കുന്നതിനായുള്ള സ്വാഗതസംഘ രൂപീകരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കോട്ടയത്തും സമീപപ്രദേശങ്ങളായ കുമരകം, തിരുവാര്പ്പ്, ഏറ്റുമാനൂര്, മുണ്ടക്കയം, കാഞ്ഞിരപ്പള്ളി തുടങ്ങിയ ഇടങ്ങളിലെ ബിജെപി പ്രവര്ത്തകരെയും സംഘപ്രസ്ഥാനങ്ങളെയും കടന്നാക്രമിക്കുന്നത് ഇതിന്റെ ഭാഗമാണ്. ഡിസംബര് 1മുതല് കേരളത്തിലെ എല്ലാ ഭവനങ്ങളിലും ബിജെപി യുവമോര്ച്ച പ്രവര്ത്തകര് സന്ദര്ശനം നടത്തി മാര്ക്സിസ്റ്റ് ഭീകരതയ്ക്കെതിരെയുള്ള പ്രചരണം നടത്തുമെന്നും അദ്ദേഹം പറഞ്ഞു.
യുവമോര്ച്ച ജില്ലാ പ്രസിഡന്റ് അഖില് രവീന്ദ്രന് അദ്ധ്യക്ഷത വഹിച്ചു. ബിജെപി ജില്ലാ ജനറല് സെക്രട്ടറിമാരായ കെ.പി.സുരേഷ്, ലിജിന്ലാല്, സെക്രട്ടറി സി.എന്.സുഭാഷ്, കെ.പി.ഭുവനേശ്, സംസ്ഥാന സമിതിയംഗങ്ങളായ എം.എസ്.കരുണാകരന്, നോബിള് മാത്യു, യുമോര്ച്ച സംസ്ഥാന സമിതിയംഗം വിജയകുമാര്, ശരത് കുമാര്, ജില്ലാ സെക്രട്ടറി രമ്യ, ബിജെപി നിയോജകമണ്ഡലം പ്രസിഡന്റ് ബിനു.ആര്.വാര്യര്, സെക്രട്ടറി വി.പി.മുകേഷ്, ജില്ലാ കമ്മിറ്റിയംഗം കുടമാളൂര് രാധാകൃഷ്ണന് തുടങ്ങിയവര് സംസാരിച്ചു. എം.എസ്.പത്മകുമാര്, പി.പി.ഗോപി, എന്.ശങ്കര്റാം തുടങ്ങിയവര് രക്ഷാധികാരികളും എന്.ഹരി ചെയര്മാനും, അഖില് രവീന്ദ്രന് ജനറല് കണ്വീനര്, സോബിന്ലാല്, സന്ദീപ്(പബ്ലിസിറ്റി കണ്വീനര്)എന്നിവരടങ്ങുന്ന 101അംഗ സ്വാഗത സംഘം രൂപീകരിച്ചു.
പ്രതികരിക്കാൻ ഇവിടെ എഴുതുക: