കോഴിക്കോട്: ഒക്ടോബര് 20ന് പ്രസിദ്ധീകരിച്ച കരട് എ.എ.വൈ/മുന്ഗണനാ ലിസ്റ്റില് ഉള്പ്പെട്ട എ.എ.വൈ. കാര്ഡുടമകള്ക്ക് കാര്ഡൊന്നിന് 28 കിലോഗ്രാം അരിയും ഏഴ് കിലോഗ്രാം ഗോതമ്പും മുന്ഗണനാ കാര്ഡിലെ ഓരോ അംഗത്തിനും നാല് കിലോഗ്രാം അരി, ഒരു കിലോഗ്രാം ഗോതമ്പ് എന്നീ നിരക്കിലും സൗജന്യമായി ലഭിക്കുമെന്ന് ജില്ലാ സപ്ലൈ ഓഫീസര് അറിയിച്ചു. 2013 ലെ ഭക്ഷ്യഭദ്രത നിയമം നടപ്പിലാക്കിയതിന്റെ ഭാഗമായി കാര്ഡുടമകള്ക്കുള്ള ഭക്ഷ്യധാന്യവിതരണവുമായി ബന്ധപ്പെട്ടാണ് അറിയിപ്പ്.
മുന്ഗണനാവിഭാഗത്തില്പ്പെടാത്ത കാര്ഡുടമകള്ക്ക് സര്ക്കാര് നിശ്ചയിക്കുന്ന അളവില് ഭക്ഷ്യധാന്യങ്ങള് താമസിയാതെ ലഭിക്കും. കരട് മുന്ഗണനാ പട്ടികയില് ഉള്പ്പെട്ട കാര്ഡുടമകള് ഭക്ഷ്യഭദ്രതാ വിഭാഗത്തില് ഉള്പ്പെട്ടതായി സീല് പതിപ്പിക്കുന്നതിനായി കാര്ഡുകള് അതാത് റേഷന് കടയില് ഏല്പ്പിക്കേണ്ടതാണ്.അറിഞ്ഞോ അറിയാതെയോ കരട് മുന്ഗണനാ ലിസ്റ്റില് ഉള്പ്പെട്ടുപോയ അനര്ഹരായ കാര്ഡുടമകള് അക്കാര്യം പരിശോധിക്കേണ്ടതും ലിസ്റ്റില് നിന്ന് ഒഴിവാക്കാനുള്ള നടപടികള് സ്വീകരിച്ച് ശിക്ഷാനടപടികളില് നിന്നും ഒഴിവാകാന് ശ്രദ്ധിക്കേണ്ടതാണെും അറിയിച്ചു.
പ്രതികരിക്കാൻ ഇവിടെ എഴുതുക: