കടുത്തുരുത്തി: നരേന്ദ്രമോഡി സര്ക്കാരിന്റെ ഭരണപരിഷ്ക്കാര നടപടിയായ 500, 1000 രൂപാ നോട്ടുകള് റദ്ദാക്കിയതിനെ അഭിനന്ദിച്ചു ബിജെപി സ്ഥാപിച്ച ഫ്ളക്സ് ബോര്ഡ് ഡിവൈഎഫ്ഐ-സിപിഎം പ്രവര്ത്തകര് നശിപ്പിച്ചു.ബുധനാഴ്ച രാവിലെ 10.30 ന് ബിഎസ്എന്എല് ഓഫീസിലേക്ക് നടത്തിയ മാര്ച്ചിനിടയിലാണ് കടുത്തുരുത്തി മാര്ക്കറ്റ് ജംഗ്ഷനില് സ്ഥാപിച്ചിരുന്ന ഫ്ളക്സ് ബോര്ഡ് ഡിവൈഎഫ്ഐ-സിപിഎം പ്രവര്ത്തകര് നശിപ്പിച്ചത്.
ഇതിനെതിരെ ബിജെപി നിയോജകമണ്ഡലം കമ്മറ്റി പോലീസില് പരാതി നല്കി. ഫ്ളക്സ് ബോര്ഡ് ഡിവൈഎഫ്ഐ-സിപിഎം പ്രവര്ത്തകര് നശിപ്പിച്ചതിനെതിരെ കൂടിയ പ്രതിഷേധയോഗത്തില് ബിജെപി പഞ്ചായത്ത് പ്രസിഡന്റ് സന്തോഷ് മാമലശ്ശേരി അദ്ധ്യക്ഷത വഹിച്ചു. നിയോജകമണ്ഡലം സെക്രട്ടറി പി.സി.രാജേഷ് ,പ്രവീണ്.കെ.മോഹന്,പി.എസ്.ബിനുമോന് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: