ആലുവ: ആലുവ കോടതിയിലെ മുതിര്ന്ന അഭിഭാഷകയ്ക്ക് വാട്ട്സ്ആപ്പിലൂടെ അശ്ലീല സന്ദേശമയച്ച സിനിമ നടന് കുടുങ്ങി. ദേശം സ്വദേശി സക്കീര് (40)ആണ് അഴിക്കുള്ളിലായത്. നിരവധി സിനിമകളില് ചെറിയ വേഷത്തില് അഭിനയിച്ചിട്ടുള്ള സക്കീര് മജ്ഞു വാര്യര് നായികയായ പുതിയ ചിത്രത്തില് അഭിനയിക്കുകയാണിപ്പോള്.
500ന്റെയും 1000ത്തിന്റെയും നോട്ടുകള് സര്ക്കാര് പിന്വലിച്ച പശ്ചാത്തലവുമായി ബന്ധപ്പെട്ട സന്ദേശമുള്ള അശ്ലീല ചിത്രമാണ് അയച്ചത്. പ്രതിക്ക് അഭിഭാഷകയുമായി വലിയ പരിചയമൊന്നുമില്ല. എന്നാല്, വിവാഹ മോചന കേസുമായി ബന്ധപ്പെട്ട് നേരത്തെ പ്രതി ഈ അഭിഭാഷകയെ സമീപിച്ചിട്ടുണ്ട്. ഈ സന്ദര്ഭത്തില് ഫോണില് സേവ് ചെയ്തിരുന്ന നമ്പറിലേക്ക് ചിത്രം അയക്കുകയായിരുന്നു. അഭിഭാഷകയുടെ ഫോണില് പ്രതിയുടെ നമ്പര് ഇല്ലാതിരുന്നതിനാല് ആളെ തിരിച്ചറിഞ്ഞില്ല. പിന്നീട് ആലുവ പോലീസ് പ്രതിയ തിരിച്ചറിഞ്ഞ ശേഷം തന്ത്രപൂര്വം വിളിച്ചുവരുത്തിയാണ് അറസ്റ്റ് ചെയ്തത്.
അഭിഭാഷക നിയമ ബോധവത്കരണ ക്ലാസുകളും മറ്റും എടുക്കുന്നയാളാണ്. ചിത്രം സുഹൃത്തുക്കള്ക്ക് അയച്ചപ്പോള് മാറിപ്പോയിയെന്നാണ് പ്രതി പോലീസിനോട് വെളിപ്പെടുത്തിയത്. ആലുവ സിഐ വിശാല് ജോണ്സന്റെ നേതൃത്വത്തിലാണ് പ്രതിയെ അറസ്റ്റ് ചെയ്തത്. ആലുവ കോടതിയാണ് റിമാന്ഡ് ചെയ്തത്.
പ്രതികരിക്കാൻ ഇവിടെ എഴുതുക: