കൊല്ലം: ദേശീയപാതയില് വെള്ളയിട്ടമ്പലം ജങ്ഷനില് ഓടിക്കൊണ്ടിരുന്ന കെഎസ്ആര്ടിസി ബസിന്റെ എന്ജിന് ഓയില്ടാങ്കിന്റെ കണക്റ്റിംഗ് റാഡ് പൊട്ടിത്തെറിച്ചു. ഡ്രൈവറുടെ സമയോചിതമായ ഇടപെടല് മൂലം വന്ദുരന്തം ഒഴിവായി. ഇന്നലെ വൈകിട്ട് ആറുമണിയോടെയാണ് സംഭവം. കൊല്ലം ഡിപ്പോയില് നിന്നും നിറയെ യാത്രക്കാരുമായി കായംകുളത്തേക്ക് പോകുകയായിരുന്നു ഓര്ഡിനറി ബസ്.
വെള്ളയിട്ടമ്പലം ജങ്ഷനിലെ ഹംപ് കയറി ഇറങ്ങവേ നട്ട് ഊരിത്തെറിച്ചു റാഡ് ഒടിഞ്ഞു ചിന്നഭിന്നമാകുകയായിരുന്നു. അമ്പതു മീറ്ററോളം ദൂരത്തില് എന്ജിന്ഓയില് പടര്ന്നൊഴുകിയതുമൂലം ദേശീയപാതയില് ഏറെ നേരം ഗതാഗതം തടസപെട്ടു. തുടര്ന്ന് സ്ഥലത്തെത്തിയ ട്രാഫിക് പോലീസ് ഫയര് ഫോഴ്സിനെ വിവരം അറിയിച്ചതിനെ തുടര്ന്ന് ചാമക്കടയില് നിന്നും എത്തിയ യൂണിറ്റ് റോഡില് മണല് നിരത്തി ഗതാഗതം പുനഃസ്ഥാപിച്ചു.
പ്രതികരിക്കാൻ ഇവിടെ എഴുതുക: