പാലാ: വൈദ്യുതി ലൈനുകളില് തകരാര് മൂലം വൈദ്യുതി നിലച്ചാല് അപ്പോള് തന്നെ വിവരം സന്ദേശമായി ഫോണില് ബന്ധപ്പെട്ട ഉദ്യോഗസ്ഥര്ക്ക് ലഭിക്കാന് സംവിധാനമൊരുക്കി എന്ജിനിയറിംഗ് വിദ്യാര്ത്ഥി.
പാലാ സെന്റ് ജോസഫ് കോളജിലെ ഇലക്ട്രിക്കല് എന്ജിനീയറിങ് വിദ്യാര്ത്ഥി സാന്ജോ സിബിയാണ് ഇത്തരമൊരു സാങ്കേതിക വിദ്യ കണ്ടുപിടിച്ചത്. ഓട്ടോമാറ്റിക് അലേര്ട്ട് ആന്റ് കണ്ട്രോള് ഓവര് സെക്കന്ഡറി ഡിസ്ട്രിബ്യൂഷന് സിസ്റ്റം എന്നാണ് പുതിയ കണ്ടുപിടുത്തത്തിന് സാന്ജോ നല്കിയ പേര്. ട്രാന്സ്ഫോമറുകളില് ഘടിപ്പിക്കുന്ന മൈക്രോ കണ്ട്രോളറിലൂടെയാണ് സന്ദേശം വൈദ്യുതി ഓഫീസില് അറിയുക. ഒരു ട്രാന്സ്ഫോമറില് നിന്നുള്ള ഏതെങ്കിലും കമ്പികളില് വൈദ്യുതി തകരാറുണ്ടായാല് ഉടനടി സന്ദേശം ബന്ധപ്പെട്ട അധികാരികള്ക്ക് ഫോണില് ലഭിക്കും. അപ്പോള് തന്നെ ഫോണിലൂടെ സന്ദേശം നല്കിയാല് പ്രസ്തുത ട്രാന്സ്ഫോമറില് നിന്നുള്ള വൈദ്യുതി ലൈനില് പ്രവാഹം നിര്ത്തിവയ്ക്കാനും സാധിക്കും ഈ സാങ്കേതിക വിദ്യയിലൂടെ.
പ്രതികരിക്കാൻ ഇവിടെ എഴുതുക: