കണ്ണൂര്: കഴിഞ്ഞ മൂന്ന് ദിവസമായി കണ്ണൂര് പോലീസ് പരേഡ് ഗ്രൗണ്ടില് നടന്നുവന്ന ജില്ലാ സ്കൂള് അത്ലറ്റിക് മീറ്റ് സമാപിച്ചു. കോര്പ്പറേഷന് മേയര് ഇ.പി.ലത സമാപന സമ്മേളനം ഉദ്ഘാടനവും സമ്മാനദാനവും നിര്വ്വഹിച്ചു. കോര്പ്പറേഷന് വിദ്യാഭ്യാസ സ്റ്റാന്റിങ്ങ് കമ്മറ്റി ചെയര്പേഴ്സണ് ഷാഹിന മൊയ്തീന്, സ്പോര്ട്സ് കൗണ്സില് ജില്ലാ പ്രസിഡണ്ട് ഒ.കെ.ബിനീഷ്, എന്.ബാലകൃഷ്ണന്, എം.ഉബൈദുള്ള, പി.വി.പുരുഷോത്തമന്, കെ.വി.സുരേന്ദ്രന് തുടങ്ങിയവര് സംസാരിച്ചു. എം.പ്രസന്നകുമാരി സ്വാഗതവും കെ.ജി.ജോണ്സന് നന്ദിയും പറഞ്ഞു. മത്സരങ്ങള് അവസാനിക്കുമ്പോള് പതിനാറ് സ്വര്ണവും പതിനൊന്ന് വെള്ളിയും പതിമൂന്ന് വെങ്കലവും അടക്കം 144 പോയന്റ് നേടിയ ഇരിട്ടി ഉപജില്ലാ ഒന്നാം സ്ഥാനം നേടി. പന്ത്രണ്ട് സ്വര്ണവും പതിനെട്ട് വെള്ളിയും പതിനൊന്ന് വെങ്കലവുമായി 143 പോയന്റ് നേടിയ പയ്യന്നൂര് ഉപജില്ല രണ്ടാം സ്ഥാനത്തും പന്ത്രണ്ട് സ്വര്ണവും ഒമ്പത് വെള്ളിയും ആറ് വെങ്കലവും ഉള്പ്പെടെ 98 പോയന്റ് നേടിയ കണ്ണൂര് ഉപജില്ലാ മൂന്നാം സ്ഥാനവും നേടി.
സ്കൂള് തലത്തില് പത്ത് സ്വര്ണവും ഏഴ് വെള്ളിയും മൂന്ന് വെങ്കലവുമായി 74 പോയന്റ് നേടിയ എളയാവൂര് സിഎച്ച്എംഎച്ച്എസ്എസ് ഒന്നാം സ്ഥാനം നേടി. കഴിഞ്ഞവര്ഷത്തെ ചാമ്പ്യന്മാരായ ജിഎച്ച്എസ്എസ് കോഴിച്ചാലിനെ ബഹുദൂരം പിന്നിലാക്കിയാണ് എളയാവൂര് സ്കൂള് ഒന്നാം സ്ഥാനം കരസ്ഥമാക്കിയത്. ഏഴ് സ്വര്ണവും ആറ് വെള്ളിയും അഞ്ച് വെങ്കലവുമുള്പ്പെടെ 58 പോയന്റ് നേടിയ ജിഎച്ച്എസ്എസ് കോഴിച്ചാല് രണ്ടാം സ്ഥാനത്തും അഞ്ച് സ്വര്ണവും ഒരു വെള്ളിയും നാല് വെങ്കലവും ഉള്പ്പെടെ 27 പോയന്റ് നേടിയ സാന്തോം എച്ച്എസ്എസ് കൊളക്കാട് മൂന്നാം സ്ഥാനത്തുമാണ്.
പ്രതികരിക്കാൻ ഇവിടെ എഴുതുക: