നട്ടാശേരി: ഇടതു-വലതു മുന്നണികള് രാജ്യപുരോഗതിക്ക് തുരങ്കം വയ്ക്കുന്ന നടപടികള് സ്വീകരിക്കുകയാണെന്ന് ബിജെപി വിലയിരുത്തി. കോട്ടയം നിയോജകമണ്ഡലത്തിലെ 6-ാം നമ്പര് ബൂത്തുസമ്മേളനത്തിലാണ് ബിജെപി മുന്നണികളുടെ നിലപാട് വിലയിരുത്തിയത്. നരേന്ദ്രമോദി സര്ക്കാര് രാജ്യപുരോഗതിക്കായി നടപ്പാക്കുന്ന പദ്ധതികള് ജനോപകാരപ്രദമാണ്. പാവപ്പെട്ടവന്റെയും സാധാരണക്കാരന്റെയും ഉന്നമനമാണ് ലക്ഷ്യം. ഇക്കാര്യങ്ങള് ജനങ്ങളിലെത്തിക്കാതിരിക്കുവാനുള്ള രഹസ്യ അജണ്ടകളാണ് ഇടതുവലതു മുന്നണികള്ക്കുള്ളത്. പാവപ്പെട്ടവന്റെ അന്നം മുടക്കികളായി റേഷന് വിതരണം പോലും നടത്താന് കഴിയാതെയും കുടിവെള്ളം വിതരണം ചെയ്യാതെയും നോട്ടിന്റെ പേരില് ജനങ്ങളെ പരിഭ്രാന്തരാക്കുയാണ് ഇവര് ചെയ്യുന്നത്. ഇത് പൊതുജനം തിരിച്ചറിഞ്ഞുവെന്നും യോഗം വിലയിരുത്തി.
ബൂത്ത് പ്രസിഡന്റ് പി.സി.മോഹനന് അദ്ധ്യക്ഷത വഹിച്ചു. നിയോജകമണ്ഡലം വൈസ് പ്രസിഡന്റ് രമേശ് കല്ലില് ഉദ്ഘാടനം ചെയ്തു. ജില്ലാ കമ്മിറ്റിയംഗം കുടമാളൂര് രാധാകൃഷ്ണന് മുഖ്യപ്രഭാഷണം നടത്തി. 6-ാം വാര്ഡ് കൗണ്സിലര് വിനു മോഹന്, കര്ഷക മോര്ച്ചനിയോജകമണ്ഡലം പ്രസിഡന്റ് നന്ദകുമാര് നട്ടാശേരി, മേഖലാ സെക്രട്ടറി സുമേഷ്, നിധീഷ് കുമാര് പ്രസംഗിച്ചു.
പ്രതികരിക്കാൻ ഇവിടെ എഴുതുക: