തലശ്ശേരി: 2008 മുതല് പട്ടയത്തിന് വേണ്ടി അപേക്ഷ നല്കിയവര്ക്ക് പട്ടയം നല്കുക, ലാന്ഡ് ട്രിബ്യൂണല് ഓഫീസ് കേന്ദ്രീകരിച്ച് നടക്കുന്ന അഴിമതി തടയുക തുടങ്ങിയ ആവശ്യങ്ങളുന്നയിച്ച് ജനകീയ സമിതി ജില്ലാ കമ്മറ്റി ശാരദാ കൃഷ്ണയ്യര് ഫൈനാര്ട്സ് സൊസൈറ്റി ഹാളില് കണ്വെന്ഷന് നടത്തി.
ഡോ. ഡി.സുരേന്ദ്രനാഥ് ഉദ്ഘാടനം ചെയ്തു. ജനകീയ പ്രശ്നങ്ങളില് നിന്നും മുഖ്യധാരാ രാഷ്ട്രീയ കക്ഷികള് മുഖംതിരിച്ചു നില്ക്കുകുയാണെന്നും ജനകീയ വിഷയം ഏറ്റെടുക്കുന്ന സംഘടനകളെ അരാഷ്ട്രീയ വാദികളെന്ന് മുദ്രകുത്തുന്ന പ്രവണത ആശാസ്യമല്ലെന്നും ഡോ.ഡി.സുരേന്ദ്രനാഥ് അഭിപ്രായപ്പെട്ടു.
കെ.വി.മനോഹരന് അധ്യക്ഷത വഹിച്ചു. പി.ബാലന് മാസ്റ്റര്, ഗഫൂര് മനയത്ത്, പന്ന്യന് രാമചന്ദ്രന്, ഗിരിധരന്, പി.രാധാകൃഷ്ണന്, മേരി അബ്രഹാം, സി.എച്ച്.അനൂപ്, എം.രത്നാകരന്, സുരേഷ് ബാബു അക്കാനിശ്ശേരി എന്നിവര് സംസാരിച്ചു.
2017 ജനുവരി 1ന് കാലത്ത് 10 മണിക്ക് കൂത്തുപറമ്പ് ലാന്ഡ് ട്രിബ്യൂണല് ഓഫീസിന് മുന്നില് ധര്ണ്ണാ സമരം നടത്താന് തീരുമാനിച്ചു.
പ്രതികരിക്കാൻ ഇവിടെ എഴുതുക: