കൊട്ടാരക്കര: കൊട്ടാരക്കര പോലീസ് സ്റ്റേഷനില് വിവിധ കേസുകളില്പ്പെട്ട് വര്ഷങ്ങളായി സൂക്ഷിച്ചിരുന്ന ഇരുചക്രവാഹനങ്ങള് ലേലം ചെയ്തു. 26 വാഹനങ്ങളാണ് ലേലത്തില് പോയത്. ഇതിന്റെ ഇരട്ടിയിലധികം ഇരുചക്ര വാഹനങ്ങള് വീണ്ടും അവശേഷിക്കുന്നുണ്ട്. ഓണ്ലൈന് ടെണ്ടര് നടപടികളിലൂടെയാണ് വാഹനങ്ങളുടെ ലേലം നടന്നത്. ആലപ്പുഴ ജില്ലയിലെ വാഹനങ്ങള് പൊളിച്ചുവില്ക്കുന്ന മൊത്തവ്യാപാര സ്ഥാപനമാണ് വാഹനങ്ങള് ലേലത്തില് പിടിച്ചതെന്നാണ് അറിയുന്നത്. ഓണ്ലൈന് അല്ലാതെ മറ്റു പരസ്യങ്ങള് ഇല്ലാത്തതിനാല് തദ്ദേശവാസികള്ക്ക് വാഹനങ്ങള് നേടാന് കഴിഞ്ഞില്ല. സ്റ്റേഷന്പരിസരത്ത് വര്ഷങ്ങളായി കേസില്പെട്ടിരിക്കുന്ന ഇരുചക്രവാഹനങ്ങളും ഓട്ടോറിക്ഷകളുമുണ്ട്. മിക്കതും ഉപയോഗശൂന്യമാണ്.
പ്രതികരിക്കാൻ ഇവിടെ എഴുതുക: