നന്മണ്ട: സംസ്കൃതി നന്മണ്ടയുടെ ആഭിമുഖ്യത്തില് നടക്കുന്ന പതിമൂന്നാമത് ഭാരതീയം ധര്മ്മപ്രഭാഷണ പരമ്പര 27 മുതല് ഡിസംബര് മൂന്നുവരെ നന്മണ്ട നഞ്ചുണ്ടേശ്വരത്ത് നടക്കും. പരിപാടിയുടെ ഭാഗമായി സേവനപ്രവര്ത്തനങ്ങള് മാതൃശക്തി സമ്മേളനം, സാംസ്കാരിക ഘോഷയാത്ര, കലാസാംസ്കാരിക പരിപാടികള്, ധര്മ്മപ്രഭാഷണങ്ങള്, യോഗപരിശീലനം, പുസ്തകോത്സവം, നൈപുണ്യ പരിശീലനം, സാംസ്കാരിക പ്രദര്ശനം, വിദ്യാഗോപാലമന്ത്രാര്ച്ചന എന്നിവ നടക്കും. 27ന് പുലര്ച്ചെ 5ന് ഗണപതിഹോമം, വൈകീട്ട് അഞ്ചിന് സാംസ്കാരിക ഘോഷയാത്ര നടക്കും. വൈകീട്ട് ആറിന് നന്മണ്ട ശ്രീഭദ്ര നാട്യകലാക്ഷേത്രം അവതരിപ്പിക്കുന്ന രംഗപൂജയ്ക്കു ശേഷം യു. കെ. കുമാരന് ഭാരതീയം- 2016 ഉദ്ഘാടനം ചെയ്യും. സ്വാഗതസംഘം ചെയര്മാന് പി.കെ. രാജന് അധ്യക്ഷത വഹിക്കും. യുവശാസ്ത്രജ്ഞന് ഡോ. കെ. കെ. അനൂപിനെ പി. ഗോപാലന്കുട്ടി മാസ്റ്റര് അനുമോദിക്കും. തുടര്ന്ന് ”സംങ്ഗച്ഛധ്വം സംവദധ്വം” എന്ന വിഷയത്തില് സ്വാമി ചിദാനന്ദപുരി പ്രഭാഷണം നടത്തും. രണ്ടാം ദിവസം വൈകീട്ട് ”ഹിന്ദു ശിഥിലീകരണത്തിന്റെ അരങ്ങും അണിയറയും” എന്ന വിഷയത്തില് കെ.പി. ശശികല ടീച്ചര് പ്രഭാഷണം നടത്തും. മൂന്നാം ദിവസം ”യുദ്ധായകൃത നിശ്ചയ” എന്ന വിഷയത്തില് സ്വാമി ചിദാനന്ദപുരി പ്രഭാഷണം നടത്തും. നാലാം ദിവസം കേരള സാമൂഹ്യപരിഷ്കരണം ദിശയും ദര്ശനവും എന്ന വിഷയത്തില് എ. ഗോപാലകൃഷ്ണന് പ്രഭാഷണം നടത്തും. അഞ്ചാം ദിവസം ”ദളിത് വിവാദം, അകവും പുറവും” എന്ന വിഷയത്തില് ഡോ. എന്.ആര്. മധു പ്രഭാഷണം നടത്തും. ആറാം ദിവസം ”ജ്ഞാനപ്പാനയുടെ തത്വദര്ശനം” എന്ന വിഷയത്തില് ഡോ. കാരുമാത്ര വിജയന് തന്ത്രികള് പ്രഭാഷണം നടത്തും. സമാപന ദിവസം രാവിലെ 6.30ന് വിദ്യാഗോപാലാര്ച്ചന നടക്കും. വൈകീട്ട് ”നത്വം ശോചിതുമര്ഹസി” എന്ന വിഷയത്തില് സ്വാമി അധ്യാത്മാനന്ദ സരസ്വതി പ്രഭാഷണം നടത്തും. രാത്രി 8.30ന് ദൃശ്യരാമായണം നൃത്തശില്പ്പത്തോടെ പരിപാടി സമാപിക്കും. 28 മുതല് ആറു വരെ രാവിലെ 5.30ന് യോഗ പരിശീലനം നടക്കും. പരിപാടിയുടെ നടത്തിപ്പിനായി പി.കെ. രാജന് ചെയര്മാനും പി. സതീഷ്കുമാര് ജനറല് കണ്വീനറുമായി വിപുലമായ സ്വാഗതസംഘം രൂപീകരിച്ച് പ്രവര്ത്തനം ആരംഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: