നാട്ടുകാര് നടത്തിയ റോഡ് ഉപരോധം
കല്പ്പറ്റ: വയനാട് ഗവണ്മെന്റ് മെഡിക്കല് കോളേജിന്റെ സ്ഥലം മാലിന്യ കേന്ദ്രമാക്കാന് അനുവദിക്കില്ലെന്ന് ബി.ജെ.പി വയനാട് ജില്ലാ കമ്മറ്റി. വയനാട് ജില്ലയെ മാലിന്യ സംസ്കരണ ജില്ലയാക്കി മാറ്റാനാട് ചിലര് ശ്രമിക്കുന്നത്. ഇതിന്റെ പിന്നില് വലിയൊരു മാഫിയ തന്നെ പ്രവര്ത്തിക്കുന്നുണ്ട്. ഇത്തരക്കാര്ക്കെതിരെ നടപടി എടുക്കേണ്ട ജില്ലാ ഭരണകൂടം ഇവര്ക്ക് ഒത്താശ ചെയ്യുകയാണ് . ഇതിന്റെ തെളിവാണ് ഭരണാധികാരികളുടെ ഒത്താശയോടെ മാലിന്യം നിര്ദ്ധിഷ്ഠ മെഡിക്കല് കോളേജിന്റെ സ്ഥലത്ത് കുഴിച്ച് മൂടിയത്. ഇത് മൂലം കടുത്ത ദുരിതമാണ് ജനങ്ങള് അനുഭവിക്കുന്നത്. ശാസ്ത്രീയമായ രീതിയിലല്ലാതെ മാലിന്യം കുഴിച്ച് മൂടിയത് മൂലം സാംക്രമിക രോഗങ്ങളടക്കം പടര്ന്നു പിടിക്കാന് സാധ്യതയുണ്ട്. ഒരു മണിക്കൂറോളം സംസ്ഥാന പാത ഉപരോധിച്ചിട്ടും സ്ഥലം സന്ദര്ശിക്കാനോ പ്രശ്നത്തില് ഇടപെടാനോ സ്ഥലം എം.എല്.എ തയ്യാറാവാത്തത് സംശയാസ്പതമാണ്. ഭരണത്തിലേറി മാസങ്ങള് കഴിഞ്ഞിട്ടും മെഡിക്കല് കോളേജ് വിഷയത്തില് ഒന്നും ചെയ്യാന് സ്ഥലം എം.എല്.എക്ക് സാധിച്ചിട്ടില്ല. ഇതിന്റെ ജാള്യത കൊണ്ടാണ് എം.എല്.എ സ്ഥലം പോലും സന്ദര്ശിക്കാത്തത്. യോഗത്തില് ബി.ജെ.പി ജില്ലാ പ്രസിഡന്റ് സജി ശങ്കര് അദ്ധ്യക്ഷത വഹിച്ചു. ജില്ലാ സെക്രട്ടറിമാരായ പി.ജി ആനന്ദകുമാര്, കെ.മോഹന്ദാസ് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: