കുറവിലങ്ങാട:് മുന് രാഷ്ട്രപതി കെ.ആര്.നാരായണന്റെ സ്മരണയ്ക്കായി ഉഴവൂരില് പൂര്ത്തീകരിച്ചുവരുന്ന കെട്ടിടസമുച്ചയത്തിലേക്ക് ആശുപത്രിയുടെ പ്രവര്ത്തനം മാറ്റുന്നതിന് മുന്നോടിയായി അന്തിമ പ്രവര്ത്തികള് നടപ്പാക്കുന്നതിന് എംഎല്എ ഫണ്ടില് നിന്നും 50 ലക്ഷം രൂപ അനുവദിച്ചതായി മോന്സ് ജോസഫ് എം.എല്.എ. അറിയിച്ചു.
കേരളാ കോണ്ഡഗ്രസ് (എം) ഉഴവൂര് മണ്ഡലം കമ്മറ്റിയുടെ നേതൃത്വത്തില് നടന്ന പാര്ട്ടിനയ വിശദീകരണയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഉഴവൂര് ഗവ. ആശുപത്രിയില് സ്പെഷ്യാലിറ്റി വിഭാഗങ്ങള് പ്രവര്ത്തിപ്പിക്കാന് പുതിയ തസ്തികള് സര്ക്കാര് പ്രഖ്യാപിച്ചാല് ഉടനെ സ്പെഷ്യാലിറ്റി നിലവാരത്തിലേക്ക് ആശുപത്രിയുടെ പ്രവര്ത്തനം മാറ്റിയെടുക്കാന് കഴിയും.
ആശുപത്രി ഇപ്പോള് പ്രവര്ത്തിച്ചുവരുന്ന വാടകകെട്ടിടത്തില് നിന്ന് നിര്മ്മാണം പൂര്ത്തീകരിച്ച പുതിയ കെട്ടിടത്തിലേക്ക് മാറ്റുന്ന കാര്യം കഴിഞ്ഞ എച്ച്എംസി യോഗം ചര്ച്ച ചെയ്തപ്പോള് ഇപ്പോള് മാറണ്ടെന്ന തീരുമാനമാണുണ്ടായത്. ഇക്കാര്യങ്ങള് പുന:പരിശോധിച്ച് ആശുപത്രി പുതിയ കെട്ടിടത്തില് പ്രവര്ത്തനം ആരംഭിക്കുന്നത് ചര്ച്ച ചെയ്യാന് ഉദ്യോഗസ്ഥരേയും ജനപ്രതിനിധികളേയും പങ്കെടുപ്പിച്ച് സര്വ്വകക്ഷിയോഗം വിളിച്ചുചേര്ക്കുമെന്നും മോന്സ് ജോസഫ് വ്യക്തമാക്കി.
പ്രതികരിക്കാൻ ഇവിടെ എഴുതുക: