ഇരിട്ടി: പായം ഗ്രാമ പഞ്ചായത്തില് നടപ്പാക്കുന്ന കേന്ദ്ര പദ്ധതിയായ സന്സദ് ആദര്ശ് ഗ്രാമയോജന പദ്ധതിയുടെ പ്രഖ്യാപനവും കേരളാ സര്ക്കാര് പദ്ധതിയായ നവകേരളാ മിഷന് പദ്ധതിയുടെ ഉദ്ഘാടനവും നാളെ നടക്കുമെന്ന് പായം പഞ്ചായത്ത് പ്രസിഡന്റ് എന്.അശോകന് പത്രസമ്മേളനത്തില് അറിയിച്ചു.
മാടത്തിയില് നടക്കുന്ന പരിപാടിയില് സന്സദ് ആദര്ശ് ഗ്രാമയോജന പ്രഖ്യാപനം പി.കെ.ശ്രീമതി എംപിയും നവകേരളാ മിഷന് ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ.വി.സുമേഷും നിര്വഹിക്കും. അഡ്വ.സണ്ണി ജോസഫ് എംഎല്എ അദ്ധ്യക്ഷത വഹിക്കും. എസ്എജിവൈ പദ്ധതി അവതരണം കണ്ണൂര് അസി. ഡെവലപ്മെന്റ് കമ്മീഷണര് സി. കബനിയും, നവകേരളാ മിഷന് പദ്ധതി അവതരണം ജില്ലാ കലക്ടര് മീര് മുഹമ്മദലി ഐഎഎസ്സും ഇതോടൊപ്പം നടക്കുന്ന മാലിന്യമുക്ത പ്രവര്ത്തനങ്ങളുടെ അവതരണം ജില്ലാ ശുചിത്വ മിഷന് കോ.ഓഡിനേറ്റര് വി.കെ.ദിലീപും നിര്വഹിക്കും. പത്രസമ്മേളനത്തില് പഞ്ചായത്ത് പ്രസിഡണ്ടിനെ കൂടാതെ വൈസ് പ്രസിഡണ്ട് വി.സാവിത്രി, സ്റ്റാന്റിംഗ് കമ്മിറ്റി ചെയര്മാന്മാരായ വി.കെ.പ്രേമരാജന്, കരിപ്പായി പവിത്രന്, പഞ്ചായത്ത് സിക്രട്ടറി ബാബു ജോസഫ് എന്നിവര് പങ്കെടുത്തു. കേന്ദ്ര സര്ക്കാറിന്റെ ലോകസഭാ മണ്ഡലത്തില് ഒരു ഗ്രാമം എംപിമാര് ഏറ്റെടുക്കല് പദ്ധതിയായ സന്സദ് ആദര്ശ് ഗ്രാമയോജന പദ്ധതി പ്രകാരം പി.കെ.ശ്രീമതി എംപിയാണ് പായം പഞ്ചായത്ത് ഏറ്റെടുക്കാന് തീരുമാനിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: