വിളവൂര്ക്കല്: പൊട്ടിപ്പൊളിഞ്ഞ വലിയറത്തല-കുന്നംപാറ റോഡ് നവീകരിക്കാത്തതില് പ്രതിഷേധിച്ച് ബിജെപി വിളവൂര്ക്കലില് സായാഹ്ന ധര്ണ്ണ നടത്തി. ധര്ണ്ണ ബിജെപി സംസ്ഥാന സമിതി അംഗം എരുത്താവൂര് ചന്ദ്രന് ഉദ്ഘാടനം ചെയ്തു.
പൊതുമരാമത്തിനു കീഴിലുള്ള ഈ റോഡ് നവീകരിച്ചിട്ട് എട്ടു വര്ഷം പിന്നിടുന്നു. നിയമസഭാ തെരഞ്ഞെടുപ്പിന് തൊട്ടുമുന്പ് അന്നത്തെ
സ്ഥലം എംഎല്എയും സ്പീക്കറുമായ എന്. ശക്തന് വലിയറത്തല റോഡ് നവീകരിക്കാന് ഫണ്ട് അനുവദിച്ചുവെന്ന് കാട്ടി കോണ്ഗ്രസുകാര് ഫ്ളക്സ് ബോര്ഡുകള് സ്ഥാപിച്ച് വ്യാജ പ്രചരണം നടത്തിയെന്നല്ലാതെ റോഡ് നവീകരിച്ചില്ല. കാല്നട യാത്രപോലും ദുസ്സഹമായ റോഡ് നന്നാക്കാന് നടപടി വേണമെന്ന് ആവശ്യപ്പെട്ട് വാര്ഡ് മെമ്പര് അജികുമാര് പലപ്രാവശ്യം ഇപ്പോഴത്തെ എംഎല്എയെ സമീപിച്ചിരുന്നു. എന്നാല് ബിജെപി പ്രതിനിധിയായതിനാല് എംഎല്എ മെമ്പറെ അവഗണിച്ചു. തുടര്ന്നാണ് അജികുമാറിന്റെ നേതൃത്വത്തില് നാട്ടുകാര് ഒന്നടങ്കം സായാഹ്ന ധര്ണ്ണ നടത്തിയത്.
ബിജെപി മേഖലാ പ്രസിഡന്റ് വിജയകുമാറിന്റെ അദ്ധ്യക്ഷതയില് നടന്ന ധര്ണ്ണയില് ജില്ലാ വൈസ് പ്രസിഡന്റ് മലയിന്കീഴ് രാധാകൃഷ്ണന്, മണ്ഡലം ജനറല് സെക്രട്ടറി വിശാഖ്, സെക്രട്ടറിമാരായ രാജശേഖരന്, ചന്ദ്രലേഖ, ട്രഷറര് കുന്നുവിള സുധീഷ്, പഞ്ചായത്ത് കമ്മിറ്റി പ്രസിഡന്റ് പ്രവീണ്, ജനറല് സെക്രട്ടറി എല്.ജി.സന്തോഷ്, ജെഎസ്എസ് മണ്ഡലം സെക്രട്ടറി നന്ദകുമാര് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: